ஜோக்ஸ்
என்ன தலைவரே! அந்தக் கட்சியோட கூட்டணி வைக்கப் போனீங்க. போன வேகத்திலேயே திரும்பி வந்துட்டீங்க?’’ ‘‘அங்க ஹவுஸ்ஃபுல் போர்டு தொங்குதேப்பா..!’’ - தீ.அசோகன், சென்னை-19.
‘‘வீட்டில் இருந்தால் மனைவியிடம் அடி வாங்க வேண்டும் என்ற காரணத்தால் முழு நேரமும் தீவிர பிரசாரத்தில் ஈடுபடும் தலைவர் அவர்களே...’’ - லெட்சுமி மணிவண்ணன், சிக்கல்.
‘‘கூட்டணிக்காக செருப்பு தேயத் தேய தலைவர் நடந்ததால், அவர் போட்டுக்கொள்ள நல்ல செருப்பாகப் பார்த்து எறியும்படி தாழ்மையுடன் கேட்டுக்கொள்கிறேன்!’’ - வி.சகிதா முருகன், தூத்துக்குடி.
எங்கள் தலைவர் பேசுவது புரியவில்லை என்று குறை கூறுபவர்களுக்கு ஒன்றை சொல்லிக்கொள்கிறேன். அவர் எழுதி வைத்திருந்த பேப்பர் தலைகீழாக இருந்ததால் அவருக்கே என்ன பேசுவது என்று புரியாமல் போய் விட்டது...’’ - எஸ்.எஸ்.பூங்கதிர், வில்லியனூர்.
பதற்றமான ‘பூத்’களுக்கு கண்காணிப்பு கேமரா பொருத்தும் தேர்தல் கமிஷன், பணம் வாங்கியவர்கள் எங்களுக்குத்தான் ஓட்டு போடுகிறார்களா என்பதை அறியவும் ஒரு கேமரா பொருத்த வேண்டுமென தாழ்மையுடன் கேட்டுக்கொள்கிறேன்...’’ - சரவணன், கொளக்குடி.
தலைவரே! ஏன் டென்ஷனா இருக்கீங்க? எத்தனை தொகுதி உங்களுக்கு ஒதுக்குவாங்கன்னா?’’ ‘‘தொகுதியை விட்டே என்னை ஒதுக்கிருவாங்களோன்னுதான்!’’ - யுவகிருஷ்ணா, தூத்துக்குடி.
தலைவர் கைது பயத்துல இருக்காரா... எப்படிச் சொல்றே?’’ ‘‘ ‘நாளை நமதே’ன்னு பேசறதுக்கு பதிலா ‘பாளை’ நமதேன்னு பேசறாரே..!’’ - பர்வீன் யூனுஸ், ஈரோடு.
|