குயின்தான்... ஆனால், விருதுநகர் ராணி!

‘‘இன்றைய நடப்பை முன்னிருத்துகிற படம்தான் ‘பாரிஸ் பாரிஸ்’. இந்தியில் கங்கனா ரணாவத்துக்கு தேசிய விருது வாங்கிக்கொடுத்த ‘குயின்’ படத்தின் தமிழ் வடிவம்தான் இது. எதிர்பார்த்ததுக்கு மேலான படமாக வந்திருக்கு. உங்களோடு பேசுகிற இந்தத் தருணத்தில் நீங்கள் இதை உணரக்கூடும்...’’ யதார்த்தமாகப் பேசுகிறார் இயக்குநர் ரமேஷ் அரவிந்த். அனுபவத்தின் நிழலில் அமர்ந்து சிநேகம் ததும்பும் கண்களோடு சாந்தமாக உட்கார்ந்து பேசுகிறார்.