தெற்கு ஆஸ்திரேலியா முழுவதும் காட்டுத் தீயில் பல பாலூட்டிகள், ஊர்வன வகை உயிரினங்கள், பறவைகள் மற்றும் பிற இனங்கள் இறந்துள்ளன. சுமார் 5 கோடி உயிரினங்களை நாம் இழந்திருக்கலாம் என்று அஞ்சப்படுகிறது.

இந்நிலையில் தீயணைப்பு வீரர்களும், தொண்டர்களும் இரவு பகல் பாராமல் மிஞ்சி இருக்கும் உயிரினங்களைப் போராடி மீட்டு மருத்துவமனைக்கு கொண்டு வந்திருக்கின்றனர். ஆனால், அவை அதிக தீக்காயங்களுடன் பாதிக்கப்பட்டுள்ளதால், கால்நடை மருத்துவர்கள் அந்த விலங்குகளையும் கருணைக் கொலை செய்யும் சூழ்நிலைக்கு தள்ளப்பட்டுள்ளனர்.

அமெரிக்காவில் ஃப்ளோரிடா மாநிலத்தில் வசிக்கும் ஜேம்ஸ் மிச்செலினி என்பவருக்கு 73 வயதாகிறது. 43 வருடங்களாக தொடர்ந்து ரத்த தானம் செய்து வந்திருக்கிறார். இத்தனை ஆண்டுகளில் இதுவரை 864 பேர், இவரால் பயன்பெற்று உயிர்பிழைத்துள்ளனர்.

ஒரு பாட்டில் ரத்தம் மூலம், மூன்று பேர் பயனடைய வாய்ப்புள்ளது. அவை ப்ளேட்லெட்ஸ்களாக பிரிக்கப்பட்டும் நோயாளிகளுக்கு புகுத்தப்படும். இப்படி பல பேரின் உயிரைக் காக்க உதவியாய் இருந்து, அவர்கள் குடும்பத்தில் ஒருவராக மாறியிருக்கிறார் ஜேம்ஸ்.