‘‘சென்னையில் அன்றாடத் தேவைக்காக சைக்கிளை பயன்படுத்துறவங்க நிறையப் பேர் இருக்காங்க. அவங்க தினமும் சாலைகள்ல சைக்கிள் ஓட்டிட்டு போறாங்க. நாம்தான் அவங்கள பெரிசா கவனிக்கிறதில்ல. இவங்கள பொதுவெளியில் காட்டவும், இவங்கள இன்ஸ்பிரேஷனா வச்சுக்கிட்டு நிறைய பேர் சைக்கிள் வாங்க முன்வருவாங்கனு நினைச்சும், சின்னச் சின்ன பயணத்திற்காக இனி சைக்கிள் பயன்படுத்தணும்ங்கிறதை வலியுறுத்தவும் இந்த ‘அண்ணாமலை புரொஜெக்ட்டை’ கையிலெடுத்திருக்கோம்...’’ இயல்பாகப் பேசுகிறார் திவாகரன்.

டபுள்யூ.சி.சி.ஜி எனப்படும் வி ஆர் சென்னை சைக்கிளிங் குரூப்பின் நிறுவன உறுப்பினர் இவர். உடல்ஆரோக்கியத்திற்காகவும், பயணத்திற்காகவும் சைக்கிளைப் பயன்படுத்த வேண்டும் என்பதை வலியுறுத்தி சென்னையில் சைக்கிளிங்கை ஊக்கப்படுத்தி வரும் நம்பிக்கைக் குழு இவருடையது.

பதுதான். இப்ப நாங்க எல்லாம் சேர்ந்து இந்த அண்ணாமலை புரொஜெக்ட்டை முன்னெடுத்திருக்கோம்.

எங்களுடன் ஆம்ஸ்டர்டாமைச் சேர்ந்த பிஒய்சிஎஸ் குழுவால் நியமிக்கப்பட்ட சென்னையின் சைக்கிளிங் மேயரான ஃபெலிக்ஸ் ஜானும் இணைந்திருக்கார். விரைவில், அனைத்து சைக்கிளிங் குழுவுடன் சேர்ந்து இத்திட்டத்தை விரிவாக்கம் செய்ய இருக்கோம்...’’ என்கிற திவாகரன், திட்டம் பற்றி விரிவாகப் பேசினார்.  

‘‘ரஜினி சார் நடிச்ச ‘அண்ணாமலை’ படத்தின் பெயரைத்தான் திட்டத்திற்கு வச்சிருக்கோம். அதுல ரஜினி சார் பால்காரரா சாதாரண சைக்கிளை வச்சிக்கிட்டு வருவார். ஒருகட்டத்துல பெரிய பணக்காரனா ஆகிடுவார். அப்பவும் தன்னுடைய சைக்கிளை மறக்கமாட்டார். நம்ம சென்னையிலும் இந்த சாதாரண சைக்கிளை பயன்படுத்துறவங்க நிறையப் பேர் இருக்காங்க.

கடந்த கொரோனா முதல் அலையின்போது லாக்டவுன் போட்டப்ப எல்லா போக்குவரத்தும் நிறுத்திட்டாங்க. இப்ப ரெண்டாவது அலையின்போதும் நிறுத்தினாங்க. இதுல அதிகம் பாதிக்கப்பட்டது அன்றாட ஏழை எளிய மக்கள்தான்.

அவங்ககிட்ட டூவீலர் கிடையாது. முன்னாடி பொதுப் போக்குவரத்தான பஸ், ரயில்ல பயணிச்சு வேலைக்குப் போனாங்க. இந்நேரம் எந்த போக்குவரத்தும் இல்லாததால நடந்துதான் வேலைக்குப் போயிட்டு இருந்தாங்க. வெகுதூரமா போக வேண்டிய இடத்துக்குக் கூட நடந்தே போனாங்க.