ஆரம்பித்த சில நாட்களிலேயே ஆரவாரமான வரவேற்பைப் பெற்ற தொடர், ‘இலக்கியா’. இப்போது ஆறு மாதங்களைக் கடந்து இன்னும் நிறைய ஆதரவுடனும் பாராட்டுகளுடனும் வெற்றிநடை போட்டுக்கொண்டிருக்கிறது. டிஆர்பியிலும் நல்ல ரேட்டிங் வந்திருக்கிறது. இந்நிலையில், ‘இலக்கியா’ ஷூட்டிங் ஸ்பாட்டிற்கு விசிட் அடித்தோம்.

ஹீரோயின் இலக்கியாவும், வில்லி பைரவியும் வார்த்தைகளில் மோதிக் கொள்ளும் பரபரப்பான காட்சி எடுக்கப்பட்டுக் கொண்டிருந்தது. அதை கவனித்தபடியே அடுத்த காட்சிக்காக தயாராகி நின்றார் ஹீரோவின் அப்பாவான வெங்கட்ராமன் கேரக்டரில் நடிக்கும் பரத் கல்யாண். அவரிடம் இலக்கியா ஜர்னி எப்படியிருக்கு எனக் கேட்டதும் மனம் நிறைய உற்சாகமானார்.

‘‘நான் கடந்த மாசம்தான் ‘இலக்கியா’ டீம்ல சேர்ந்தேன். நான் ஏற்கனவே சரிகம நிறுவனத்துல ‘ரோஜா’ சீரியல்ல நான்கரை ஆண்டுகள் வொர்க் பண்ணியிருக்கேன். இதுல என் கேரக்டரை ஆரம்பத்துல ரூபஸ்ரீ மேடம் பண்ணினாங்க.

அவங்களால தொடர்ந்து பண்ணமுடியாத சூழல். அவங்களுக்குப் பதில் யாரை ரீப்ளேஸ் பண்ணலாம்னு நினைக்கிறப்ப, ‘ரோஜா’ சீரியல்ல கல்பனாவாக நடிச்ச காயத்ரியைப் போடலாம்னு பி.வி.ஆர் மேடம் முடிவெடுத்து கூப்பிட்டாங்க. நானும் ஏதாவது நல்ல புரொஜெக்ட் வந்தால் பண்ணலாம்னு இருந்தேன். இதன் ஸ்டோரி லைன் நல்லாயிருந்தது. உடனே ஏத்துக்கிட்டேன்.

இதுல ப்ரியா பிரின்ஸ், ஹீமா பிந்து கூட முதல்முறையாக வொர்க் பண்றேன். எல்லாருமே சிறந்த ஆக்டர்ஸ். காயத்ரி ப்ரியா, பரத் கல்யாண், சதீஷ் இவங்களை எல்லாம் ஏற்கனவே தெரியும். அவங்களுடன் நிறைய புரொஜெக்ட்ஸ் பண்ணியிருக்கேன். நல்ல டெக்னீசியன்ஸ்; நல்ல டீம். இப்பவரை நல்லா போயிட்டு இருக்கு.

 ‘ரோஜா’வுல வெகுளித்தனமான ஒரு கேரக்டர். இதுல ஒரு நல்ல அம்மாவாக நடிக்கிறேன். ஆரம்பத்துல அடிக்கடி பி.வி.ஆர் மேடத்திற்கு மெசேஜ் பண்ணி இது ஓகேவானு எபிசோட் பார்த்து சொல்லச் சொல்லிக் கேட்பேன். அவங்க நிறைய கைடு பண்ணினாங்க. இயக்குநர் ஸ்டாலின் சாரும், ஆர்ட்டிஸ்ட்களும் ரொம்ப உதவி பண்ணினாங்க. சந்தோஷமாக இருக்கு...’’ எனச் சிரித்தார் காயத்ரி.

‘நாயகி’யில் நான் நெகட்டிவ் செய்தேன். அதுல அனன்யா கேரக்டர் மக்களுக்கு நல்ல ரீச்சாகியிருந்தது. இப்பவரை பலரும் அனன்யானுதான் கூப்பிடுறாங்க. இப்ப மதியம் சீரியல் பார்க்கிறவங்க மட்டும் என்னை அஞ்சலினு ஞாபகத்துல வச்சிருக்காங்க. எனக்கு சொந்தஊர் பெங்களூர்.

காஸ்டியூம் டிசைனராக கன்னடப் படங்கள்ல என் ஜர்னியை தொடங்கினேன். ஃபேஷன் டிசைனிங் மாணவியாக இருக்கும்போது என்னுடைய ஃபைனல் இயர்ல ஒரு படம் பண்ணினேன். அதுல ரெண்டு ஹீரோக்கள் நடிச்சாங்க. அதுல ஒருவர் சன் டிவியில் தமிழ் சீரியல்ல நடிச்சிட்டு இருந்தார். அவர் 2018ல் சன் குடும்ப விருதுகளுக்கு என்னை அழைச்சிட்டு வந்தார்.

அப்ப எனக்கு எதுவும் தெரியாது. சும்மா வந்தேன். அந்நேரம், சத்யஜோதி பிலிம்ஸ்ல பார்த்திட்டு என்னை நடிக்க கேட்டாங்க. சரி, ஒரு புது அனுபவம் கிடைக்குமேனு வந்தேன். அப்புறம், அந்தக் கம்பெனி மேனேஜர் உள்ளிட்டவங்களுக்கு என் நடிப்பு பிடிச்சிருந்ததால மற்ற கம்பெனிகளுக்கு என் போட்டோஸ் எல்லாம் அனுப்பினாங்க.

‘இலக்கியா’ எனக்கு புது டீம். இப்ப ப்ரியா மேடம், காய்தரி மேடம் எல்லாம் ரொம்ப க்ளோஸாகி இருக்காங்க...’’ என புன்னகைத்தார் சுஷ்மா நாயர். தொடர்ந்து ஹீரோவாக கௌதம் கேரக்டரில் நடிக்கும் நந்தனிடம் பேசினோம். ‘‘நான் காலேஜ் படிச்சிட்டு இருக்கும்போது பாலுமகேந்திரா சாரை மீட் பண்ணும் வாய்ப்பு கிடைச்சது.

அவர் என்னை வைத்து ஒரு படம் தொடங்கும்படி இருந்தது. ஆனா, அது பூஜைக்கு முன்னாடி நின்னுடுச்சு. அப்ப அவருடன் பழகிய நாட்களும், அவர் சொல்லித்தந்த விஷயங்களுமே எனக்கு சினிமா ஃபீல்டுல ஆர்வத்தைத் தூண்டியது. அப்படியே சின்னத்திரைக்குள் வந்திட்டேன்.

பிறகு, கதாநாயகி ஹீமா பிந்துவிடம் ‘இலக்கியா’ பற்றிக் கேட்டோம். ‘‘என் முதல் சீரியல் ‘இதயத்தை திருடாதே’ பண்றப்ப நல்ல பாப்புலாரிட்டி கிடைச்சது. அதன்பிறகு நிறைய ஆஃபர்ஸ் வந்தது. அப்ப நான் மூவி பண்ணணும்னு வெயிட் பண்ணிட்டு இருந்தேன்.

அந்நேரம், சரிகமவுல இருந்து பி.ஆர்.வி மேடம் கால் பண்ணி ‘நல்ல சேலஞ்சிங்கான கேரக்டர்’னு ஊக்கப்படுத்தினாங்க. அப்படியாக நான் ‘இலக்கியா’ ஆனேன். இப்பவரை சிறப்பாகப் போயிட்டு இருக்கு. இதுல நாம் எந்த கருத்து சொன்னாலும் அதுக்கு முக்கியத்துவம் கொடுத்து செய்றாங்க.

வெளியில் போகும்போதும் நல்ல ரெஸ்பான்ஸ் கிடைச்சிருக்கு. ‘இலக்கியா’னு கூப்பிடுறப்ப மக்களுடன் கனெக்ட்டாகிட்டோம்னு மகிழ்ச்சியாக இருக்கு. 180 எபிசோடுகள் போனதே தெரியல.

இதுல ஒரேமாதிரியான பேட்டர்ன் இல்லாமல் ஏதாவது புதுசா பண்ணினால்தான் நிறைவாக இருக்கும். அதுக்கான மாற்றங்கள் வரப்போகுது. இன்னும் இம்ப்ரூவ் பண்ணணும்னு மொத்த டீமும் வொர்க்ல கவனம் செலுத்தி வேலை செய்றோம். இனிமே ‘இலக்கியா’ இன்னும் நல்லா போகும். வெயிட் அண்ட் ஸீ...’’ என நம்பிக்கை மிளிர சொன்னார் இலக்கியா @ ஹீமா பிந்து.