6 வருடங்களில் 45% பெண்கள் சிங்கிளாக இருப்பார்கள்!

பிரபல சர்வே தரும் அதிர்ச்சி !

2030ம் ஆண்டில் 22 முதல் 44 வயதுள்ள பெண்களில் 45 சதவீதத்தினர் சிங்கிள்களாக இருப்பார்களாம். கனவு, வாழ்க்கை லட்சியம், தனக்கான அடையாளம், சமூகத்தில் அங்கீகாரம் இதெல்லாம் ஒரு குறிப்பிட்ட காலம் வரை ஆண்களுக்கு மட்டுமே சொந்தமாக இருந்தது. அனைவருக்கும் கல்வி என்கிற நிலை இன்று அடைபட்டுக் கிடந்த பெண்களையும் சிந்திக்கத் தூண்டிவிட்டது.

திருமணமாகி இரண்டு குழந்தைகள் பெற்றாலும் கூட தனக்கென தனி வருமானம், அங்கீகாரம் வேண்டும் என்கிற ரீதியில் இன்று சுயதொழில் செய்து சாதித்து வரும் பெண்களின் எண்ணிக்கை தினம் தினம் அதிகரித்துக் கொண்டே செல்கிறது. பத்து பெண்கள் இணைந்த ஒரு குழு இருக்கிறது எனில் அதில் குறைந்தபட்சம் மூன்று பெண்களாவது திருமணம் ஆகி பிரிந்தவர்கள், விவாகரத்தானவர்கள் அல்லது திருமணமே ஆகாமல் 30களைக் கடந்தும் தனக்கான கரியரை நோக்கி ஓடிக் கொண்டிருப்பவர்கள்.

இன்று பெண்கள் தம்மு டைய சுய முன்னேற்றத்திற்கு அதிக முக்கியத்துவம் கொடுக்கத் துவங்கி விட்டார்கள். இந்த நிலை நீடித்தால் இன்னும் ஆறு வருடங்களில் சுமார் 45% பெண்கள் சிங்கிள்களாக இருப்பார்கள் எனவும் அவர்கள் வயது 25 முதல் 44 வயது உள்ளவர்களாக இருப்பார்கள் எனவும் அமெரிக்காவின் பிரபல சர்வே தளமான மோர்கன் ஸ்டான்லி ஆய்வறிக்கை எச்சரித்திருக்கிறது.

1937ம் ஆண்டிலிருந்து கார்ப்பரேட், பொருளாதாரம், மனித வாழ்க்கை, நாடுகளின் வளர்ச்சி, உலக மதிப்பீடுகள் என இருக்கும் அத்தனை துறையிலும் ஆய்வுகள் மற்றும் சிறப்புக் கட்டுரைகளை வெளியிடுவது... உலகப் பொருளாதார முன்னேற்றத்திற்கான ஆலோசனை கட்டுரைகள் ஆய்வு அறிக்கைகள் கொடுப்பது... என மோர்கன் ஸ்டான்லி அமெரிக்காவின் பிரபல தளமாக இயங்கி வருகிறது. தற்போது இவர்கள் வெளியிட்டிருக்கும் இந்த சர்வே முடிவுதான் உலகையே அதிர்ச்சிக்கு ஆளாக்கியிருக்கிறது.

ஏற்கனவே பெண் குழந்தைகள் பிறப்பதற்கான X மற்றும் ஆண் குழந்தைகள் பிறப்பதற்கான Y என்னும் இரண்டு குரோமோசோம்களில் Y குரோமோசோம்களின் எண்ணிக்கை குறைந்து வருவதாகவும், ஒரு குறிப்பிட்ட காலத்திற்குப் பிறகு Y குரோமோசோம்களின் எண்ணிக்கை முற்றிலுமாகக் குறைந்து ஆண்களின் பிறப்பே இல்லாமல் போகும் எனவும் எச்சரித்திருக்கிறது பிரபல மரபணு அறிவியலாளர் மற்றும் விரிவுரையாளர் ஜெனிபர் ஏ மார்ஷல் கிரேவ்ஸின் ஆய்வுக் குழு.

இந்நிலையில் மிகச் சில வருடங்களிலேயே, அதாவது மோர்கன் ஸ்டான்லியின் ஆய்வறிக்கையின்படி வெறும் ஆறு வருடங்களில் சிங்கிள் பெண்களின் எண்ணிக்கை 45% ஐ தொடப் போகிறது என ஆய்வு முடிவுகள் தெரிவிக்கின்றன.

*பெண் என்கிற மதிப்பீடு

பெண் பெண்ணாக இருப்பதை எப்படி ஆண்கள் விரும்புகிறார்களோ அப்படி பெண்ணும், தான் பெண்ணாக கொண்டாடப்படுவதை விரும்புபவள். அப்படி இருக்கும்பொழுது திருமணம் ஆகிவிட்டது, குழந்தை பெற்று விட்டாய் என்பதற்காகவே சமூகத்தில் அதுவரை தனக்கு கிடைத்துக் கொண்டிருந்த தனித்துவமும், சிறப்புத் தன்மையும் இல்லாமல் போகும் பொழுது அதை அவர்களால் ஏற்றுக்கொள்ள முடியவில்லை.

இந்த நிலை வேலை செய்யும் இடத்தில் துவங்கி பொதுவெளிகளிலும் தொடர்கிறது. அதாவது திருமணமாகாத பெண்களுக்கே முன்னுரிமை கொடுக்கப்படுகிறது.ஆனால், ஆண்களுக்கு எத்தனை வயதானாலும் அவர்கள் ஆண்கள் என்கிற நிலையிலிருந்து  எந்த மாற்றத்தையும் பெண்கள் கொடுப்பதில்லை. குணரீதியாகவும் , திறமை  ரீதியாகவும்தான் பெண்கள் ஆண்களை மதிப்பிடுகிறார்கள்.

பெண்களின் நிலை வேறு. சினிமா நடிகையே ஆனாலும் கூட திருமணமாகி குழந்தை பெற்றுவிட்டால் ‘நீ இப்படித்தான் இருக்கவேண்டும்... நீ இப்படி இருப்பதுதான் உனது கடமை’ என்கிற ரீதியில் பார்ப்பதாலேயே பல பெண்கள் திருமணத்திற்கு விருப்பம் காட்ட மறுக்கிறார்கள். ஒரு கட்டத்தில் திருமணம் வேண்டாம் என்கிற நிலை மாறி, பெற்றோர்களின் வற்புறுத்தலுக்காக திருமணம், பின்னர் விவாகரத்து என முடிவு எடுத்துக் கொள்கிறார்கள்.  

*உடல் ஆரோக்கியம்

திருமணமாகி குழந்தைகள் பெற்றுக் கொள்ளும்பொழுது என்னதான் அவர்கள் ஆரோக்கிய உணவு, உடற்பயிற்சி என கட்டுக்கோப்பாக இருந்தாலும் உடல் மாற்றங்களைத் தவிர்க்க இயலாது. இதனால் வேலை மற்றும் தனக்கான அங்கீகாரத்தை நோக்கி முன்னேறும் பாதையில் தடை உருவாவதாக நினைக்கிறார்கள்.

குறிப்பாக பால் கொடுக்கும் தாய்மார்களின் கால்ஷியம் அளவு குறையும் தருவாயில் அவர்களின் எலும்பு, நகம், முடி... என இவை அனைத்திலும் குறைபாடுகள் ஏற்படத்துவங்கி நாளடைவில் சாதாரணமாக ஆண்கள் செய்யும் வேலைகளைக் கூட அவர்கள் செய்ய இயலாத நிலைக்கு தள்ளப்படுகிறார்கள். வேலையிலும் உற்பத்தி அல்லது கற்பனைத் திறன் சக்தி குறைந்து மன அழுத்தத்துக்கு ஆளாகின்றனர். இதனை ஒரு காரணமாகக் கொண்டே பல பெண்கள் இன்று குழந்தைப் பேறுகளையும் கூட தவிர்க்கத் துவங்கிவிட்டனர்.

*குடும்ப அமைப்பு