இந்திய சினிமாவில் வாரிசு நடிகர்களின் ஆதிக்கத்தில் முதலிடம் பாலிவுட் எனில் இரண்டாம் இடம் டோலிவுட்டிற்குதான். ஆனால், அங்கும் தனக்கென தனி ரசிகர்கள் பட்டாளத்துடன் தன்னிச்சையாக பாக்ஸ் ஆபிஸை கலக்கி வருகிறார் நேச்சுரல் ஸ்டார் நானி. 

தமிழில் ‘நான் ஈ’, ‘வெப்பம்’ தவிர நேரடி தமிழ் படங்கள் இல்லை என்றாலும் இவர் நடித்த தெலுங்கு படங்களே இங்கு மிகப்பெரிய அளவில் வெற்றியை சந்தித்திருக்கின்றன. இதோ இப்போது நடிகர் மற்றும் தயாரிப்பாளராக ‘ஹிட்: த தேர்ட் கேஸ்’ திரைப்படம் கொடுக்க இருக்கிறார்.

ரொம்ப சந்தோஷமா இருக்கு. மொழி கடந்து ஒரு படம் ஜெயிக்க நல்ல கதை, திரைக்கதை இருந்தாலே போதும்னு திரும்பவும் நிரூபணம் ஆகியிருக்கு. இத்தனைக்கும் அந்தப் படத்தில் பெரிய ஸ்டார் நடிகர்கள் கிடையாது. 

ஆனால், இந்தியா முழுக்க அந்தப் படத்தைப் பற்றி பேசிட்டு இருக்காங்க. போக்ஸோ என்கிற மைனர் வழக்கு வந்தபிறகு ஆண்கள் மேல பதியப்பட்ட போலி வழக்குகள் மட்டும் இந்திய நீதிமன்றங்களில் அவ்வளவு இருக்கு. அதை எடுத்து பேசணும்னு நினைச்சேன். அதுதான் ‘கோர்ட்’ (Court vs A Nobody) திரைப்படம்.