தமிழ் சினிமாவின் டாப் ஹீரோ சிவகார்த்திகேயன். இவரின் படங்களுக்கு இருக்கும் அதே வரவேற்பு இவர் தயாரிப்பில் வெளியாகும் படங்களுக்கும் உண்டு. அந்த வகையில் ‘கனா’, ‘டாக்டர்’, ‘டான்’ என இவர் தயாரித்த படங்கள் ஹிட்டடித்தன. 

அந்த வரிசையில் சிவகார்த்திகேயன் பெருமையுடன் வழங்கும் படம் ‘குரங்கு பெடல்’. கமலக்கண்ணன் இயக்கியுள்ளார். இவர் ‘மதுபான கடை’, ‘வட்டம்’  போன்ற படங்களை இயக்கியவர். படம் வெளியாகும் முன்பே படத்துக்கான எதிர்பார்ப்பு அதிகமாகியுள்ள நிலையில் இயக்குநர் கமலக்கண்ணனிடம் பேசினோம்.

குழந்தைகளை வெச்சு பண்ணுவதற்கு பெரிய பிராசஸ் தேவைப்பட்டதால அதை விட்டுட்டு ‘மதுபான கடை’ பண்ணினேன்.சைக்கிள் ஓட்ட ஆசைப்படும் சிறுவனின் ஆசை, ஆர்வம்தான் ‘சைக்கிள்’ சிறுகதை. 

அதுல அப்பா, மகன் இருவரிடையே இருக்கும் பாசப் பிணைப்பை படிக்கும்போதே என்னுடைய பழைய நினைவுகளை ஞாபகப்படுத்தியது.‘குரங்குபெடல்’ 80களில் நடக்கும் கதை. காவிரிக்கரை ஓரமாக இருக்கும் கிராமத்தில் நடுத்தரக் குடும்பத்தைச் சேர்ந்த சிறுவன் சைக்கிள் ஓட்ட ஆசைப்படுகிறான். சைக்கிள் கத்துக்கொடுக்க ஆர்வமில்லாமல் இருக்கிறார் அவனுடைய அப்பா.

அவ்விருவருக்குமிடையே நடக்கும் எமோஷன், பந்த பாசம், சிறுவர் உலகத்தின் நட்பு என எல்லாம் கலந்த வாழ்வியலை முடிந்தளவுக்கு சுவாரஸ்யமான திரைக்கதையில் சொல்லியிருக்கிறேன்.

காளிவெங்கட்?இந்தக் கதைக்கு காளிவெங்கட் மட்டுமே பொருத்தமா இருப்பார் என்பதால் அவரிடம் கதை சொன்னேன். அவருக்கும் அவருடைய அப்பாவுக்குமிடையே ஒரு சைக்கிள் கதை இருந்ததால், லைன் சொன்னதுமே படத்தோட கனெக்ட்டாகிட்டார். அது கதையை எமோஷனலா கொண்டு போவதற்கு யூஸாச்சு. 

அவர் வர்றதுக்கு முன்னாடியே பசங்களை வெச்சு ஷூட் போயிருந்தோம். பசங்க எல்லோரும் செல்போன் காலத்தில் வாழ்கிறவர்கள். அவர்களுக்கு 80களின் காலம் என்பது சுத்தமா தெரியாது. அவங்களை டிரைன் பண்ணி கதைக்குள் கொண்டுவந்தாலும் பசங்ககிட்ட விளையாட்டுத்தனம் எட்டிப்பார்க்கும்.

பசங்களுக்கு ஒர்க் ஷாப் நடத்தியதால் படப்பிடிப்பு ஈஸியா இருந்துச்சு. பசங்க அனைவரும் சின்சியரா இருந்தாலும் அவங்களுடைய எனர்ஜி லெவல் அதிகமா இருக்கும். அவங்களை கன்ட்ரோல் பண்ணுவது சுலபம் அல்ல. 

கொஞ்சம் செல்லம் கொடுத்தா நமக்கே உத்தரவு போடுவாங்க.பசங்க எல்லோருக்கும் கதை தெரியும் என்பதால் எல்லோருக்கும் படத்துல அவங்களுடைய பங்கு என்ன என்று தெரிஞ்சு வெச்சிருந்தாங்க. டயலாக், காட்சி என எல்லாத்தையும் ஞாபகம்  வெச்சிருந்ததால் பொறாமைப்படாம, ஒற்றுமையாநடிச்சாங்க.

‘மதுபான கடை’யில் ஒர்க் பண்ணிய சுமி பாஸ்கரன் ஒளிப்பதிவு செய்துள்ளார். அதுல எப்படி சப்போர்ட் பண்ணினாரோ அதே மாதிரி சப்போர்ட் இந்தப் படத்துக்கும் பன்ணினார். காவேரி ஆறு, மலை என கதை நடக்கும் இடங்களை மிக அழகா காண்பிக்க அதிகம் மெனக்கெட்டார்.ஜிப்ரான் சார் மியூசிக். 

படம் முடிஞ்சதும் இயக்குநர் பிரம்மாவிடம் காட்டினேன். அவர் ஜிப்ரான் சாரை பார்க்கச் சொல்லி அனுப்பி வெச்சார். அவரிடம் எடிட்டட் வெர்ஷன் காட்டினேன். படம் பார்த்துட்டு ‘நான் பண்றேன்’னு சொன்னதும் ஷாக் ஆயிட்டேன். ஏனெனில், அவர் கமிட் பண்ணுவார்னு எதிர்பார்க்கல. ஓப்பனாவே அவரிடம், ‘சார், எங்களுடைய பட்ஜெட்டை விட உங்க சம்பளம் அதிகமா இருக்கும்னு எனக்கு தெரியும்’னு சொன்னேன்.