த ஃபேமிலி ஸ்டார்

ஒரு ஜாலியான பதின்பருவத்து ரொமாண்டிக் காமெடி படம் பார்க்க வேண்டுமா? உங்களுக்காகவே ‘அமேசான் ப்ரைமி’ல் நேரடியாக வெளியாகி இருக்கிறது, ‘ஹவ் டூ டேட் பில்லி வால்ஷ்’ எனும் ஆங்கிலப்படம். ஆர்ச்சியும், அமீலியாவும் குழந்தைப்பருவத்தில் இருந்தே நண்பர்கள். 

இருவரும் ஒரே பள்ளியில் படிக்கின்றனர். எப்போதுமே ஒன்றாகத்தான் இருப்பார்கள். அமீலியாவிடம் பாலியல் சார்ந்த விஷயங்களைக் கூட கூச்சமில்லாமல் பகிர்ந்து கொள்வான் ஆர்ச்சி. ஆனால், தன் காதலை அமீலியாவிடம் அவனால் சொல்ல முடிவதில்லை. காதலைச் சொல்லப் போகும்போது எல்லாம் ஏதோ ஒரு தடை ஏற்பட்டு சொல்ல வந்ததையே மாற்றிவிடுகிறான்.

இந்நிலையில் அவர்களின் பள்ளிக்கு புதிதாக பில்லி வால்ஷ் என்ற மாணவன் வருகிறான். துடிப்பான பில்லியின் மீது எல்லா மாணவிகளுக்கும் காதல். அமீலியாவும் பில்லியின் மீது காதல் வயப்படுகிறாள். 

அமீலியாவும் பில்லியும் இணைந்தார்களா அல்லது ஆர்ச்சியின் காதல் வென்றதா என்பதை நகைச்சுவையுடன் சொல்லியிருக்கிறது திரைக்கதை. இன்றைய சூழலில் தமிழில் ரீமேக் செய்ய நல்ல சாய்ஸ் இந்தப் படம். பதின்பருவத்து விஷயங்களை அழுத்தமாகப் பதிவு செய்திருக்கும் இப்படத்தின் இயக்குநர் அலெக்ஸ் பிள்ளை.

பிளேபாயாக வலம் வருகிறான் தில்லு. ஒரு பார்ட்டியில் லில்லியைச் சந்திக்கிறான். அவளுடன் பேசி தன்வசப்படுத்துகிறான். அன்றிரவு இருவரும் நெருக்கமாக இருக்கிறார்கள். அடுத்த நாள் காலையில் தில்லுவிடம் சொல்லிக்கொள்ளாமல் கிளம்பி விடுகிறாள் லில்லி. ஏமாந்து போகிறான் தில்லு. லில்லியைத் தேடி அலைகிறான். 

லில்லியைச் சந்திக்கிறான். தில்லுவின் குழந்தை தன் வயிற்றில் வளர்வதாகச் சொல்கிறாள் லில்லி. இருவரும் திருமணம் செய்துகொள்ள முடிவு செய்கின்றனர்.தில்லுவின் பிறந்த நாள் அன்று ஒரு அபார்ட்மெண்ட்டுக்கு அவனை அழைத்து வருகிறாள் லில்லி. அங்கே வந்ததும் அதிர்ச்சியடைகிறான் தில்லு. சூடுபிடிக்கிறது திரைக்கதை. படத்தின் இயக்குநர் மாலிக் ராம்.