த்ரில்லர் படத்துக்கும் மேலே இதில் இப்ப இருக்கிற ஒரு விஷயத்தை எடுத்துச் சொல்லியிருக்கேன். முதல் பாதி முழுக்க, அடுக்கடுக்கா வந்து விழுகிற முடிச்சுகளும், அடுத்த பாதியில் அவை அவிழ்கிற விதமும் அருமையாக வந்திருக்கு.

உண்மையில் த்ரில்லரில் உட்கார வைக்கிறது கடினமான வேலை. அதை உணர்ந்தே இருக்கிறோம். இப்ப சீசன் இதுதான்னு நினைச்சிட்டு எதையும் செய்யலை. கதையல்ல.. கதை சொல்லலே கலை என்பதை ‘கண்ணை நம்பாதே’ நிரூபிக்கும் என்பது என் திடமான நம்பிக்கை.

என்னோட ‘இரவுக்கு ஆயிரம் கண்கள்’ அருள்நிதியோட அமைஞ்சது. அப்ப நண்பர்கள் வேடிக்கையாக ‘அடுத்த படம் உதயநிதியோடு பண்ணிடு’னு சொன்னாங்க. அப்படித்தான் நடந்தது!உதயநிதி தமிழக அரசியலில் முக்கியமானவர்.

ஆனால், எதையும் மனசிலும், தலையிலும் ஏத்திக்கிறவரே இல்லை. கதையை ஒருதடவை கேட்டுட்டு ஓகே பண்ணிட்டால் அவர்கிட்டேயிருந்து எந்த இடைஞ்சலும், தொந்தரவும் இருக்காது. நமக்கே படத்தை நல்லபடியாக முடிக்கணும் என்ற அக்கறை பெருகி வந்திடும்.

ஆமாம். ‘மீசையை முறுக்கு’, ‘நரகாசுரன்’ படங்களில் நடிச்சிட்டு அடுத்தபடியாக வந்திருக்காங்க. திரையில் அவங்க நல்ல ஜோடி. நமக்கு என்ன திரையில் வேணும்ங்கிறதை நல்லா புரிஞ்சுக்கிறதில் அவருக்கு அவ்வளவு ஆர்வம் உண்டு. கதைக்குத் தேவையான காதலில் அப்படி பொருந்தி நின்னார்.