'நடிப்பு நமக்குச் சரிப்படாது' என்று ஒதுங்க நினைத்த சூர்யா, அதே சினிமாவில் இன்று அசத்திக் கொண்டிருக்கிறார். 'திருப்புமுனை'யைத் திறந்து வைக்க சரியான ஆள் சூர்யாதான். தொடர் வெற்றிபெற வாழ்த்துகிறோம்.

'என் குடும்பத்தை நான் பாத்துக்கறேன்; நீ உன் குடும்பத்தைக் கவனி' என்று ரசிகர்களுக்கு பளிச்செனச் சொல்கிற துணிச்சல் அஜித் தவிர யாருக்கும் வராது. 'ரசிகர் மன்றங்களை வைத்து என்ன பண்ணலாம்' என யோசிக்கும் ஹீரோக்களே... தல பதிச்சது தனி முத்திரை.

கலகலப்புக்குப் பஞ்சம் வைக்காத பாக்கியம் ராமசாமியும் அதே கலகலப்பை பளிச்சென ஓவியத்தில் பதித்து விடுகிற ஜெயராஜும் சேர்ந்துட்டாங்களா? 'சிரிப்பும் சிந்தனையும்' தொடர் ஜாலி ரூட்ல கிளம்பிட்டது.

- கலாவதி பாலகிருஷ்ணன், மதுரை.

'ரஜினி எப்படி இருக்கார்' என்று அறிய ஆர்வமில்லாத யாரும் இருப்பார்களா? அவரது நண்பர் ராஜபகதூர் சொன்ன தகவல்கள், பல வதந்திகளுக்கு முற்றுப்புள்ளி வைத்துவிடும்.

'பலன் கிடைத்ததா' என்று தெளிவாகத் தெரிந்து கொள்ள முடியாவிட்டாலும், அன்னா ஹசாரேவின் உண்ணாவிரதம் முடிந்தவரையில் சந்தோஷம்தான்.

தமிழர் பகுதிகளிலுள்ள கோயில்களையெல்லாம் புத்தமடங்களாக மாற்றிக் கொண்டிருக்கும் ராஜபக்ஷேவுக்கு, ரங்கநாதர் சிலை மேல் என்ன அக்கறை வரப்போகிறது? காலம்தான் சிங்கள அரசுக்குப் பாடம் புகட்ட வேண்டும்.

'தி.நகர், ரங்கநாதன் தெரு' என்றால் இப்போதெல்லாம் கண்முன்னால் வருவது அந்த ஜன நெருக்கடிதான். கட்டுப்படுத்த தேவையான நடவடிக்கைகளை சம்பந்தப்பட்டவர்கள் காலம் தாழ்த்தாமல் செய்ய வேண்டும்.

டான்ஸ் ஆடுபவர் ஒருத்தரோடுதான் குடும்பம் நடத்தக் கிளம்பியிருக்கிறார் நயன்தாரா. இதில் 87 வயது நாகேஸ்வர ராவுக்கு வேறு அவருடன் டான்ஸ் ஆட ஆசையா? விடுங்களேம்பா நயனை!

'காற்றின் கையெழுத்து' நினைவு கூர்ந்த அந்தக்காலச் சென்னை கொள்ளை அழகு. 'ராட்சஸ தாலாட்டு'க்கான அந்த அர்த்தமும் அத்தனை நிஜம்.

- ப.திருமுருகன், மணல்மேடு.