சிறிய படங்களுக்கு அதிக கவனம் தேவைப்படுகிறது. நாட்டார் கதைகளை மையப்படுத்தின த்ரில்லர் கதை இது. இந்த டைட்டில் கதைக்கு நெருக்கமா இருந்துச்சு. உங்களை மாதிரி எல்லோரையும் கேள்வி கேட்க வைத்துள்ளது இந்த டைட்டில்.சமீபத்துல மலையாளத்தில் ‘ஹெவன்’, ‘சீக்ரெட் ஹோம்’ என இரண்டு படங்கள் இந்த ஜானர்ல வந்துச்சு. 

தமிழிலும் ‘பைட் கிளப்’ வந்துச்சு. அந்தவகையில் நம்மூர் ரசிகர்களும் இந்த மாதிரி கதைகளுக்கு டியூனாகிட்டிருக்காங்க. இப்போ, 2 கே கிட்ஸ்தான் அதிகமா தியேட்டருக்கு வர்றாங்க. அவங்களுக்கு இந்த டைட்டில் ஈஸியா கனெக்ட்டாகிடும்.

போலீஸ் கேரக்டருக்கான எல்லா நியாயத்தையும் செஞ்சார். படத்துல கமிட் பண்ணும்போது போலீஸ் கேரக்டருக்கு ஏத்தமாதிரி உடலை கட்டுக்கோப்பா வெச்சிருந்தார். எந்த இடத்திலும் முகம் சுளிக்காம முழு இன்வால்வ்மென்ட்டோடு பண்ணினார். 

ஒரு காட்சியில் கண்ணாடியை உடைக்கணும். கண்ணாடியை முகத்தை வெச்சு நேரடியா உடைச்சா பெரியளவில் காயம் ஏற்படும். தோள்பட்டையால் உடைச்சுப் பண்ணணும். அதை டூப் இல்லாம அவரே லாவகமா உடைச்சார். அந்த உழைப்புக்கு நகுலுக்கும் பேர் கிடைக்கும், எனக்கும் பேர் கிடைக்கும் என்ற நம்பிக்கை இருக்கு.

மணிகண்டன் ஒளிப்பதிவு பண்ணியிருக்கிறார். என்னுடன் ‘டி 3’ல ஒர்க் பண்ணியவர். ஹன்சிகாவின் ‘த மேன்’ படத்துக்கும் அவர்தான் கேமரா. மணிகண்டன் இருந்தா எனக்கு பாதி டென்ஷன் குறைஞ்சுடும். நேரமும் மிச்சமாகும். 

ஒளிப்பதிவாளருக்கும் இயக்குநருக்குமிடையே சரியான புரிதல் இல்லையென்றால் கால விரயம் அதிகமாகும். ஒரு காட்சியை எந்த கோணத்துல காட்டணும் என்பதுல தெளிவா இருப்பார். டைரக்டர் மானிட்டர்ல கவனிச்சா போதும் என்ற நிலையில அவருடைய ஒர்க் இருக்கும். என்னுடைய சஜஷனை சொல்லியும் வேலை வாங்குவேன்.

படிச்சது விஸ்காம். உதவி இயக்குநரா சேர்ந்து சினிமா கத்துக்க முயற்சி பண்ணினேன். ஐயாயிரம் கொடு, பத்தாயிரம் கொடுனு பணம் கறக்கிறதுலேயே குறியா இருந்தாங்க. பாதி உப்புமா கம்பெனியா இருந்துச்சு. 

குறும்படங்கள் எடுத்துதான் சினிமா கத்துக்கிட்டேன்.‘டி 3’ என்னுடைய முதல் படம். அந்தப் படத்துக்கு நல்ல விமர்சனங்கள் வந்துச்சு. ஆனா, படம் ரிலீஸ் பண்ணும்போது பல பிரச்னைகளை சந்திக்க வேண்டியிருந்துச்சு. நம்பியவர்கள் மோசம் பண்ணினார்கள். சிலர் ‘கியூப்’க்கு கட்ற பணம் கூட திரும்பக் கிடைக்காதுனு பயமுறுத்தினாங்க.

ஹீரோவுக்கு ஏத்த மாதிரிதான் செலவு பண்ணணும். நகுல் சார் மாதிரியான ஹீரோவுக்கு நான்கைந்து  கோடி செலவு பண்ணினால் மொத்தமா நஷ்டமாகிவிடும்.சரியான முறையில் பட்ஜெட் போட்டாலே நஷ்டத்துலயிருந்து தப்பிக்கலாம். ஒன்றரைக் கோடியில் எடுத்தால் ஓரளவுக்கு பிசினஸ் பண்ணிடலாம். 

இந்தி மற்றும் பிற மொழி  ரைட்ஸ், கேரளா ரைட்ஸ், எப்.எம்.எஸ் ரைட்ஸ் மூலமா முதலீடு பண்ணிய பணத்தில் பாதியை எடுத்துடலாம்.சினிமா மாதிரி கிரிக்கெட் எனக்கு பிடிக்கும். என்னுடைய டீம் மெம்பர்ஸ்தான் என்னுடைய உதவி இயக்குநர்கள். அடுத்து கிரிக்கெட்டை மையமா வெச்சு ஒரு படம் பண்றேன்.