முதல் படம் செய்யும்பொழுது நான் முதலாம் ஆண்டு படிச்சுக்கிட்டு இருந்தேன். அந்த படம் வெளியாகும் பொழுது நான் மூன்றாம் ஆண்டு படிச்சுக்கிட்டு இருந்தேன். படிச்சு முடிச்சு வெளியே வந்ததும் மூன்று மாதங்களிலேயே எனக்கு இந்தப் படம் கிடைச்சிடுச்சு. 

என்னைப் பொறுத்தவரை கலினரி கலையில் (சமையல் கலையில் - படித்தது இது தொடர்பாகத்தான்) சிறப்பா வரணும்னு ஒரு கனவு இருக்கு. அதனால்தான் நடிப்பிலும் அவசரப்படாமல் படிப்பையும் இடையூறு செய்யாம படிச்சு முடிச்சிட்டேன். மேலும் அக்காவுடைய கைடன்ஸ் இருந்துச்சு. சில ஸ்கிரிப்ட் வந்துச்சு. எல்லாத்தையும் எண்ணிக்கைக்காக பண்ணக் கூடாது அப்படின்னு முடிவு செய்துட்டேன்.

‘கருடன்’ல நிறைய கத்துக்கிட்டேன். படம் முழுக்கவே சசிகுமார் சார், சமுத்திரக்கனி சார், சூரி சார்னு நிறைய அனுபவமான நடிகர்கள். இயக்குநர் துரை செந்தில்குமார் சார் வேலை வாங்குகிற விதமே வித்தியாசமா இருந்துச்சு. 

ரொம்ப தெளிவா எடுத்துச் சொல்லி காட்சிக்கான நடிப்பை வாங்குவார்.  அதிலும் எனக்கு இது இரண்டாவது படம் என்கிறதால இந்தப் படம் எனக்கு கிட்டத்தட்ட ஒரு பள்ளிக்கூடம் மாதிரியே இருந்துச்சு. சூரி சாரோட டெடிகேஷன்... சான்சே கிடையாது. ஒரே ஒரு வருத்தம் சசிகுமார் சார், சமுத்திரக்கனி சார் கூட எனக்கு காட்சிகள் கிடையாது. இல்லனா இன்னும் நிறைய பாடம் கிடைச்சிருக்கும்.