பல சமயங்களில் வாழ்க்கை அவ்வளவு சுவாரஸ்யமானதாக இருப்பதில்லை. சிலருக்கு எல்லாமும் இருக்கும்; ஆனால், எதுவுமே இல்லாதது போல் இருக்கும். இன்னும் சிலருக்கு எதுவும் இருக்காது; அதேநேரம் யாரும் அவர்களோடு இருப்பதும் இல்லை.

இப்படியொரு சூழலில்தான் சமந்தா இருப்பதாக அவருக்கு நெருங்கியவர்கள் கூறுகிறார்கள்.சமந்தா தன்னுடைய குழந்தைப் பருவத்தில் இருந்தே சொகுசான, ஆடம்பர வாழ்க்கையை அனுப வித்ததில்லை. காரணம், அவரது குடும்பம் ஒரு நடுத்தர வர்க்க குடும்பம்.

இதே சிக்கல் சமந்தாவுக்கும் இருந்தது. உச்ச நடிகையாக வேண்டுமென ஆசைப்பட்ட சமந்தா தொடர்ந்து கால்ஷீட்கள் கொடுத்து நடித்துக்கொண்டே இருந்தார். ‘‘இதற்குமேல் முடியவில்லை. ஓய்வு எடுத்தால் நன்றாக இருக்குமென நாம் நினைத்தால், நாம் சோர்வாகி விட்டோம் என்பதற்கான அறிகுறி அது. ஒரு நாளைக்கு 6 மணி நேரம்தான் தூங்குகிறேன். 

நாள் முழுக்க ஷூட்டிங்கில் பிசியாகவே இருந்து வந்திருக்கிறேன்...’’ என்கிறார் சமந்தா.22 - 23 வயதில் தனது சினிமா வாழ்க்கையைத் தொடங்கிய சமந்தாவுக்கு, தொடர்ந்து மீடியாவின் வெளிச்சத்திலும், மக்களின் பேச்சுகளிலும் இருக்கவும், கடின உழைப்போடு மன அழுத்தமும் கூடவே இருந்தது.

சினிமா வாழ்க்கையில் உச்சத்தை நெருங்கினாலும், தனிப்பட்ட வாழ்க்கையில் விவாகரத்து, சினிமாவுக்கு ஓர் இடைக்கால கட்டாய ஓய்வு என சறுக்கியது அவரை ரொம்பவே பாதித்திருக்கிறது.

இப்போது சமந்தாவுக்கு வயது 37. இந்த வயதில் தனது இரண்டாவது சுற்றைத் தொடங்கியிருக்கிறார்.சமந்தாவின் சொத்து மதிப்பு இப்போது சுமார் ரூ.115 கோடி என கணக்கிடப்பட்டுள்ளது. படமொன்றில் நடிக்க ரூ.3 முதல் ரூ.4 கோடி வரை சம்பளம் வாங்குவதாகவும் சினிமா வட்டாரத்தில் கூறப்படுகிறது.

நயன்தாராவுக்கு அடுத்தபடியாக தென்னிந்திய சினிமாவில் அதிகம் சம்பளம் வாங்கும் நடிகையாக சமந்தா முக்கியத்துவம் பெற்றிருக்கிறார்.சினிமாவில் நடிப்பது மட்டுமில்லாமல், விளம்பரங்களில் நடிப்பது, வர்த்தக முதலீடுகள், தயாரிப்புகளின் வர்த்தக நிகழ்வுகளில் கலந்து கொள்வதன் மூலம் இவரது வருமானம் கோடிகளில் இருக்கிறது.

இவரது கடுமையான போராட்டத்திற்கு பலனாக, இன்று இவர் தெலுங்கு சினிமாவின் உச்ச நட்சத்திரங்கள் அதிகம் வசிக்கும் ஜூப்ளி ஹில்ஸ் பகுதியில்தான் வசிக்கிறார். இவரது வீடு அழகியலின் இருப்பிடமாகவும் இருக்கும் என்று சிலாகித்துக் கூறுகிறார்கள்.

பாலிவுட் பக்கமும் தனது சினிமா பயணத்தை விரிவுபடுத்த சமந்தா விரும்புவதால், மும்பையிலும் ஒரு ஃப்ளாட்டை வாங்கியிருக்கிறார். கடலின் அழகிய அலைகளைப் பார்த்து ரசிக்கும் வகையில் த்ரீ பெட்ரூம், ஹால், கிச்சன் என பிரம்மாண்டமாக இருக்கும் இந்த ஃப்ளாட்டின் விலை ரூ.15 கோடி என்கிறார்கள்.

கலன்கள் என பட்டியல் நீள்கிறது.

கொஞ்சம் பொறாமைப்பட வைக்கும் ஆடம்பரமான வாழ்க்கை முறையில் சமந்தா இருந்தாலும், இவர் பெண்கள் மற்றும் குழந்தைகள் நலனிலும், அவர்களுக்கு அவசியமான மருத்துவ உதவிகளை வழங்குவதிலும் தனது வருமானத்தில் ஒரு பகுதியை ஒதுக்கி வைத்துவிடுகிறார்.இதற்காகவே ‘பிரதியுஷா சப்போர்ட் ஃபவுண்டேஷன்’ என்ற அறக்கட்டளையை அவர் தொடங்கி இருக்கிறார். இந்த அறக்கட்டளையின் மூலம் தன்னால் முடிந்த உதவிகளை தொடர்ந்து செய்து வருகிறார்.

சினிமாவில் எவ்வளவு நாட்கள் அல்லது வாரங்கள் அல்லது வருடங்கள் மார்க்கெட் இருக்குமென யாருக்கும் தெரியாது. இதனால் வாய்ப்புகள் இல்லாமல் போனாலும், வாழ்க்கையைத் தொடர வேறு ஏதாவது வகையில் வருமானம் அவசியம். 

இதை நன்றாகவே புரிந்து கொண்டிருக்கும் சமந்தா, பல வர்த்தகங்களிலும் முதலீடு செய்துள்ளார்.2020ல் ‘சாகி’ என்ற ஃபேஷன் லேபிளை அறிமுகப்படுத்தியிருக்கிறார். 2016ல் ‘மிஸ் இந்தியா’ அழகிப் போட்டியில் முதல் ரன்னர் - அப் பட்டத்தை வென்ற சுஷ்ருதி க்ருஷ்ணாவுடன் இணைந்து இந்த ஃபேஷன் கம்பெனியை சமந்தா ஆரம்பித்திருக்கிறார்.