செல்லூலாயிட்டில் பொன்னியின் செல்வன்!

Thanks to சைக்கிளில் பயணப்பட்ட இளைஞன்(ர்)

இல்லை. இந்தமுறை உறுதி என்கிறார்கள். ஆம். இதோ அதோ என தள்ளிப் போய்க்கொண்டே இருந்த ப்ராஜெக்ட் ஒருவழியாக ஃபைனலைஸ் ஆகிவிட்டது!

இல்லை. இந்தமுறை உறுதி என்கிறார்கள். ஆம். இதோ அதோ என தள்ளிப் போய்க்கொண்டே இருந்த ப்ராஜெக்ட் ஒருவழியாக ஃபைனலைஸ் ஆகிவிட்டது!யெஸ். லைக்கா தயாரிப்பில் இரு பாகங்களாக அமரர் கல்கி எழுதிய ‘பொன்னியின் செல்வன்’ நாவல் திரைப்படமாகப் போகிறது என்கிறது கோடம்பாக்க பட்சி.எவ்வளவு நீண்ட பயணம் இது! அதுவும் சைக்கிளில் ஆரம்பித்த டிராவல் அல்லவா இது!அந்த இளைஞன் பரவசத்தில் இருந்தான்.

அமரர் கல்கி எழுதிய ‘பொன்னியின் செல்வன்’ நாவலின் ஐந்து பாகங்களையும் சினிமாவுக்கான திரைக்கதையாக வசனத்துடன் எழுதி அப்போதுதான் முடித்திருந்தான். தாள்கள் அனைத்தையும் ஒன்று சேர்த்தபோது, அது இரண்டு வால்யூம்கள் அடங்கிய file ஆக மாறியிருந்தது. எம்ஜிஆர்தான் அவனை இப்படி எழுதச் சொல்லியிருந்தார். அதற்காகவே லாயிட்ஸ் ரோட்டில் இருந்த தன் வீட்டின் மாடியை அவனுக்காக ஒதுக்கிக் கொடுத்திருந்தார்.

நினைத்துப் பார்க்கவே அவனுக்கு மகிழ்ச்சியாக இருந்தது. தன்னை மதித்து இப்படியொரு மகத்தான வேலையை ஒப்படைத்திருக்கிறாரே... நெகிழ்ந்தான்.
இத்தனைக்கும் எம்ஜிஆருடன் அவனுக்கு ஏற்பட்ட அறிமுகம் சிக்கலானது. அப்போது அவன் காரைக்குடி அழகப்பா கல்லூரி மாணவன். கல்லூரி விழாவுக்கு அவர் வந்திருந்தார். மேடையில் அவர் வீற்றிருந்தார். மேடையில் அவர் வீற்றிருந்தபோேத, ‘தமிழ் சினிமா எந்தளவுக்கு கமர்ஷியல் என்னும் பெயரில் தரம் தாழ்ந்து கிடக்கிறது’ என முழங்கினான்.

புருவம் உயர அவன் பேச்சைக் கேட்டவர் தட்டிக் கொடுத்துப் பாராட்டினார்.படிப்பு முடிந்ததும் சட்டம் படிப்பதற்காக அவன் சென்னை வந்தான். சட்டக் கல்லூரியில் சேர்ந்தான். ஆனால், தொடர்ந்து படிக்க முடியவில்லை. வீட்டின் பொருளாதாரம் அதற்கு இடம் கொடுக்கவில்லை. எனவே ஊருக்குச் சென்று வேலை பார்க்க முடிவு செய்தான். சட்டக் கல்லூரியில் இருந்து டிசி வாங்கிக் கொண்டு வெளியே வந்தான்.

எதேச்சையாக அப்போது கல்லூரிப் பக்கமாக வந்த கண்ணப்ப வள்ளியப்பன், அந்த இளைஞனைப் பார்த்து ஆச்சர்யப்பட்டார். ‘எம்ஜிஆர் முன்னால் கோபத்துடன் பேசியவன்தானே நீ’ என உறுதிப்படுத்திக் கொண்டு, தனது ‘இன முழக்கம்’ பத்திரிகையில் அவனைச் சேர்த்துக் கொண்டார்.சம்பளம் ஒழுங்காகக் கிடைத்தது. சிக்கனமாகக் செலவழித்து மீதிப் பணத்தை ஊருக்கு அனுப்பினான்.

சினிமா விமர்சனம் எழுதுவதுதான் அவரது பணி. தன் பாணியில் படங்களின் குறைகளைச் சுட்டிக்காட்டினான். அது தயாரிப்பாளர்கள் மத்தியில் பெரும் கொந்தளிப்பை ஏற்படுத்தியது. அவனுக்கு எதிராகப் புகார் கொடுக்க ஆரம்பித்தார்கள்.ஆனால், ‘இன முழக்கம்’ ஆசிரியர் சி.பி.சிற்றரசு அவனுக்கு உறுதுணையாக இருந்தார். எனவே யாராலும் அவனை அசைக்க முடியவில்லை.இந்நிலையில்தான், ராமாவரம் தோட்டத்தில் எம்ஜிஆர். செய்தியாளர்களைச் சந்தித்தார்.