சமீபத்தில் திரையரங்கில் வெளியாகி விமர்சகர்களின் பாராட்டுகளை அள்ளிய மலையாளப்படம், ‘பீமன்டே வழி’. ‘அமேசான் ப்ரைமி’ல் காணக்கிடைக்கிறது.கேரளாவில் உள்ள ஒரு ரயில்வே பாதையை ஓட்டிய சிற்றூர்.

முப்பது அல்லது நாற்பது குடும்பங்கள் வசிக்கக்கூடிய பகுதி. வாகனங்கள் செல்வதற்கு சரியான சாலை வசதி இல்லை. அதனால் அவசரமான காரியங்களுக்கு மெயின் ரோடு செல்ல மக்கள் திணறுகின்றனர். இந்நிலையில் பீமனின் அம்மாவுக்கு கீழே விழுந்து காலில் அடிபடுகிறது. ஒரு நாற்காலியில் அவரை உட்கார வைத்து மெயின் ரோடு வரை தூக்கி வரவேண்டிய அவல நிலை.