தந்தை - மகள் கதை. ஒரு முக்கிய வேலைக்காக ஒரு அப்பாவும் மகளும் லண்டனுக்குப் போகவேண்டிய சூழல். அங்கே சில பிரச்னைகள் தேடி வருது. அதிலே அப்பாவும் மகளும் சிக்கிக் கொள்ள... தொடர்ந்து கதை நகரும். அதற்கிடையிலே ஏன் ஆக்‌ஷன், என்ன சூழல் இதெல்லாம் சேர்ந்துதான் கதைக்களம். ‘அச்சம் என்பது இல்லையே’ தலைப்புதான் படத்துக்கு முதலில் வைத்தோம்.

ஆனால், படம் தமிழ் மட்டுமில்லாம மற்ற மொழிகளிலும் டப்பிங் ஆகுது. எல்லா மொழிக்கும் பொதுவான பெயராகவும் இருக்கணும், மேலும் ஒரு மிஷன் படத்திலே பூர்த்தி ஆகவேண்டிய சூழல் இருக்கு. அதனால் இந்தப் பெயர் ரொம்பப் பொருத்தமா இருந்துச்சு. அதனால் ‘மிஷன் சாப்டர் 1’ என வைச்சு ‘அச்சம் என்பது இல்லையே’ என்பதை சப் டைட்டிலா இணைச்சிட்டோம்.

லண்டனில் ஒரு பஸ் ஆக்‌ஷன் சீக்வென்ஸ்... அந்தத் தெருவும் சரி, பஸ்ஸும் சரி பார்க்க பெரிதாதான் தெரியும். ஆனால், சின்ன பஸ். அதற்குள் ஸ்டண்ட். அப்பதான் காலில் சரியான அடி. அப்படியே பெரிதா வீங்கிடுச்சு. 

தசைநார் கிழிஞ்சு அடிபட்டிருந்தது. ஒரு மாதத்துக்கு மேல ஓய்வெடுத்து மறுபடியும் ஷூட் ஆரம்பிக்க வேண்டிய சூழல். ஒவ்வொரு காட்சி முடிஞ்ச பிறகும் அப்படியே முட்டி புஸ்ன்னு வீங்கி நிற்கும். உடனே ஐஸ், வாட்டர் பேக்னு வைச்சு அந்த வீக்கத்தை சரி செய்துதான் நடிச்சேன்.