தேடப்படும் நபராக வான்டட் பட்டியலில் ‘கேப்டன் மில்லர்’ ஓவியம்... தொடர்ந்து கைகளில் நாட்டுத் துப்பாக்கிகள் சகிதமாக புழுதி பறக்க பைக்கில் வரும் தனுஷ்... என இதுவரையிலும் கண்டிராத கெட்டப் மற்றும் லொகேஷனில் தனுஷின் ‘கேப்டன் மில்லர்’ டிரெய்லர், பாடல்கள் என மாஸ் காட்டுகின்றன. 

‘ராக்கி’, ‘சாணி காயிதம்’ என வித்யாசமான மேக்கிங், ராவான சூழல், லொகேஷன், குறியீடுகள் என முதல் இரண்டு படங்களிலேயே சினிமா ரசிகர்களை திரும்பிப் பார்க்க வைத்தவர் அருண் மாதேஸ்வரன். இதோ தற்போது இன்னும் பிரம்மாண்டமாக, அதிரடி, ஆக்‌ஷன் பேக் மோடில் ‘கேப்டன் மில்லர்’ படத்துடன் தயாராக பொங்கல் ரிலீஸில் இணைந்திருக்கிறார்.

அவர் நடிப்பைப் பற்றி சொல்ல வேண்டிய அவசியமே இல்ல. அப்படிப்பட்ட நடிகருக்குத் தீனி போடக்கூடிய கேரக்டராக இருக்கணும். மேலும் அவரே ஒரு இயக்குநர் என்கிறதால எனக்கு நிறைய காட்சிகள்ல விளக்கிச் சொல்ல வேண்டிய அவசியம் ஏற்படலை. 

அதே சமயம் அவர் இயக்குநர் என்கிற தலையிடலும் எங்கேயும் கிடையாது. சின்னச் சின்ன டீடெயிலிங் கூட அவரே பார்த்து சரி செய்துக்குவார். ஓர் இயக்குநருடைய கஷ்டம் அவருக்கு தெரியும். அதனால் டைமிங் துவங்கி அத்தனையிலும் மனிதர் பெர்ஃபெக்ட். எனக்கும் ஒரு நல்ல எக்ஸ்பீரியன்ஸா இருந்துச்சு.

அந்த கிரெடிட் சித்தார்த்தாவுக்குத்தான் சேரும். இதற்கு முன்பு கன்னட ‘லூசியா’, ‘யு-டர்ன்’, தமிழில் ‘வெந்துதணிந்தது காடு’ உள்ளிட்ட படங்களுக்கு சினிமாட்டோகிராபி செய்தவர் சித்தார்த். இந்தப் படத்திலே செயற்கை லைட்டுகள் ரொம்ப கம்மி. எல்லாமே நேச்சுரல் லைட்டிங் மற்றும் தீப்பந்தங்கள்தான் அதிகம் பயன்படுத்தியிருப்போம்.

சிஜி கூட ரொம்ப குறைவு. அந்த நேச்சுரல் டோனில் அவருடைய விஷுவல் அருமையா வந்திருக்கு. டி.ராமலிங்கம் ஆர்ட் டைரக்‌ஷன். ஒருசில செட்ஸ்... எல்லாம் பார்த்து நடிகர்களே உண்மையான லொகேஷன்னு நினைச்சாங்க. அந்த அளவுக்கு தத்ரூபமா செய்திருந்தார்.