அந்த அளவிற்கு வான்டட் ஆக இருக்கும் நடிகர்... அவர் நடித்தாலே நிச்சயம் அந்தப் படத்தில் ஏதோ ஒன்று இருக்கு... என்கிற ஆர்வமும் எதிர்பார்ப்பும் இந்திய அளவில் உருவாகிவிட்ட நிலையில் தற்போது தமிழில் ‘ஏஸ்’ திரைப்படம் மூலம் மீண்டும் ரசிகர்களை உற்சாகப்படுத்தத் தயாராகி இருக்கிறார் விஜய் சேதுபதி.

கதைக்கு இந்தத் தலைப்பு ரொம்பப் பொருத்தமா இருந்துச்சு. மேலும் இப்போது தமிழில் மட்டும் மார்க்கெட் கிடையாது. எந்த படம் எடுத்தாலும் பன்மொழி படமாதான் எடுக்கறோம். அதற்கும் இந்தத் தலைப்பு பொதுவான தலைப்பாகவும் இருந்ததால் ‘ஏஸ்’  என்கிற தலைப்பு வச்சிருந்தோம்.  

கதை உருவானதிலிருந்தே இந்தத் தலைப்புதான் இறுதியான தலைப்பா இருந்துச்சு. விஜய் சேதுபதியைப் பொருத்தவரை இந்திய நடிகராக மாறிட்டார். அவருடைய படங்களுக்கு இந்தியா முழுக்கவே எதிர்பார்ப்புகள் இருக்கு. எனில் அதற்கேற்ற தலைப்பாகவும் இருக்கணும் இல்லையா... அதனால்தான் ‘ஏஸ்’.

ரொமான்ஸ், காமெடி, க்ரைம்... இது மூன்றும் சேர்ந்ததுதான் இந்த ‘ஏஸ்’. படத்தின் முழுக் கதையும் மலேசியாவிலேயே ஆரம்பித்து அங்கேயே முடியும்படியான ஒரு திரைக்கதை. அதனால் படம் முழுக்கவே ஒரு ஸ்டைலிஷ் பார்க்கலாம். 

தனக்கு நடந்த ஒரு கசப்பான சம்பவம்... அதிலிருந்து வெளியே வர்றதுக்காக தன்னுடைய அடையாளத்தை முழுக்க மறைச்சிட்டு தன்னுடைய சூழலையே மாத்திக்க வேண்டி மலேசியாவிற்கு செல்கிற ஒரு இளைஞன்... அங்கே சுமுகமான வாழ்க்கை தேவைப்படும் பொழுது நட்பு, காதல் அத்தனையும் சாத்தியப்படுது.

கதைப்படி ஒரு சமையல்காரர் ஆகத்தான் அறிமுகமாவார். ஆனால், கதை போகிற போக்கில் அவருடைய கேரக்டரில் நிறைய மாற்றங்கள் இருக்கும். விஜய் சேதுபதியைப் பொருத்தவரை கேரக்டர் இதுதான் என சொன்னாலே போதும்... எந்த கேரக்டராக இருந்தாலும் அப்படியே அடாப்ட் செய்துக்குவார். 

நாம யோசிக்கிறதுக்கும் அவர் யோசிக்கிறதுக்கும் இன்னும் ஸ்பெஷலா அந்த கேரக்டருக்கு ஒரு சிறப்பு சேர்க்கற விதமா இருக்கும். அவர் யோசிக்கிறதே நாம் சொல்கிற கேரக்டராக மாறித்தான் யோசிக்கவே ஆரம்பிப்பார். பல வருடங்களா அவரைப் பார்க்கறேன். அப்போது இருந்தே அவருடைய டெடிகேஷன் பார்த்து ஆச்சரியப்பட்டிருக்கேன். இந்தக் கதை எழுதும் பொழுது நிச்சயம் இது விஜய் சேதுபதிக்காகத்தான் அப்படின்னு முடிவு செய்துட்டுதான் எழுத ஆரம்பித்தேன்.

எப்படி விஜய் சேதுபதி இந்திய நடிகரோ அதேபோல் ஜஸ்டின் பிரபாகரன் இந்திய இசையமைப்பாளராக நிறைய ஹிட் கொடுத்துக்கிட்டு இருக்கார். அவரும் தற்சமயம் பிசியான ஓர் இசையமைப்பாளர். என்னுடைய ஃபேவரிட். மொத்தம் அஞ்சு பாடல்கள். இந்தப் படத்துக்கு அவருடைய பாடல்கள் ரொம்ப பலமா இருக்கும். 

பேக்ரவுண்ட் ஸ்கோர் கூட நல்லா வந்திருக்கு.ஆமிர்கானின் ‘கஜினி’, சல்மான் கானின் ‘அந்திம்: த பைனல் ட்ரூத்’ உள்ளிட்ட பல இந்திப் படங்களில் வேலை செய்த கரண் பி.ராவத் இந்தப் படத்துக்குசினிமாட்டோகிராபி.‘96’, ‘நடுவுல கொஞ்சம் பக்கத்த காணோம்’, ‘சீதக்காதி’, ‘துக்ளக் தர்பார்’ உள்ளிட்ட படங்களில் வேலை செய்த கோவிந்தராஜ், இந்தப் படத்துக்கு எடிட்டிங்.