தமிழ் சினிமாவின் தவிர்க்க முடியாத இயக்குநர் பா.இரஞ்சித். ‘அட்டக்கத்தி’, ‘மெட்ராஸ்’,‘கபாலி’, ‘காலா’, ‘சார்பட்டா பரம்பரை’ போன்ற படங்கள் மூலம் இயக்குநராகவும், ‘பரியேறும் பெருமாள்’, ‘குண்டு’, ‘புளூ ஸ்டார்’, ‘ஜெ.பேபி’ போன்ற படங்கள் மூலம் தயாரிப்பாளராகவும் தடம் பதித்தவர். 

இப்போது தன்னுடைய கல்லூரி நண்பரும், தன்னிடம் சினிமா பயின்றவருமான தினகரன் சிவலிங்கம் இயக்கும் ‘பாட்டல் ராதா’ படத்தை தயாரித்துள்ளார். குருசோமசுந்தரம், சஞ்சனா நடராஜன் நடித்துள்ளார்கள். போஸ்ட் புரொடக்‌ஷன் முடிந்து புரொமோஷன் வேலைகளில் பிசியாக இருந்த தினகரன் சிவலிங்கத்திடம் பேசினோம்.

‘ஜோக்கர்’ அவருக்கு அடையாளத்தைக் கொடுத்தது. 

அதுபோல் இந்தப் படத்துல அவருடைய இன்னொரு பரிமாணத்தைப் பார்க்க முடியும். அநேக வீடுகளிலும், தெருக்களிலும் நாம் பார்த்து கடந்தவந்த மனிதர்களை அப்படியே தன்னுடைய கதாபாத்திரத்தின் வழியாக காட்சிப்படுத்தியிருப்பார். இந்தப் படத்துக்காக அவருக்கு விருதுகள் அறிவிக்கப்படலாம்.

என்னுடைய சொந்த ஊர் காஞ்சிபுரம் மாவட்டம் உத்திரமேரூர் அடுத்துள்ள அகரம்தூளி. நெசவுக்குடும்பம். பெயிண்டிங்ல ஆர்வம். ஓவியக் கல்லூரியில் பா.இரஞ்சித், ‘புளூஸ்டார்’ ஜெயகுமார், இந்தப் படத்தோட ஆர்ட் டைரக்டர் ராஜா, பிரபல ஆர்ட் டைரக்டர் ராமலிங்கம் எல்லோரும் வகுப்புத் தோழர்கள்.

காலேஜ் முடிஞ்சதும் நான் அனிமேஷன் ஃபீல்டுல இருந்தேன். நம்முடைய வாழ்க்கையைப் பேசணும்னு சினிமா பக்கம் வந்தேன். ‘கபாலி’, ‘காலா’வுல பா.இரஞ்சித்துடன் ஒர்க் பண்ணினேன். படம் பண்ணும் வாய்ப்பை இரஞ்சித் ஏற்படுத்திக் கொடுத்தார். இரஞ்சித் படம் பார்த்துவிட்டு, ‘முக்கியமான ஃபிலிம் மேக்கரா வருவேன்’னு சொன்னார்.