சினிமாவில் இது AI காலம். எங்கும் எதிலும் ஏஐ தொழில்நுட்பம் கலக்க ஆரம்பிதுள்ளது. சமீபத்தில் விஜய் நடிக்கும் ‘த கோட்’ படத்துக்காக மறைந்த பாடகி பவதாரிணி குரலில் ஒரு பாடல் வெளியானது. 

அந்தப் பாடல் வெளிவருவதற்கு முக்கிய காரணமாக இருந்தவர் சவுண்ட் என்ஜினியரும் ஏஐ தொழில்நுட்ப நிபுணருமான கிருஷ்ண சேத்தன்.

சினிமாவில் நான் மூன்றாம் தலைமுறை. தாத்தா, அப்பா இசைக் கலைஞர்கள். என்னுடைய அப்பா ராஜாவும், ஏ.ஆர்.ரஹ்மான் சாரும் பிரபல இசையமைப்பாளர் ராஜ்கோட்டி சாரிடம் ஒன்றாக வேலை பார்த்தவர்கள்.சின்ன வயசுலேர்ந்து எனக்கு மியூசிக் மீது ஆர்வம். படிக்கும்போதே பியானோ கத்துக்கிட்டேன். ஸ்கூல் முடிஞ்சதும் ஆடியோ என்ஜினியரிங் சேர்ந்தேன்.

ஹாலிவுட்டுக்கு நிகராக இங்கேயும் டெக்னிக்கலாக பல வசதிகள் வந்துவிட்டன. ஆனால், அங்குள்ள பட்ஜெட், நேரம், டெக்னீஷியன்கள் வேல்யூ வேறு, இங்குள்ள பட்ஜெட், நேரம், டெக்னீஷியன்கள் வேறு.ஹாலிவுட்டில் சில படங்களுக்கு நான் வேலை செய்துள்ளேன். அங்கு ஒன்றரை மணி நேரப் படத்துக்கு மூணு மாசம் டைம் தருகிறார்கள். 

இங்கு இரண்டரை மணி நேர படத்துக்கு இருபது மணி நேரம்தான் டைம் கொடுக்கிறார்கள். அப்படியிருந்தால் எப்படி குவாலிட்டி தரமுடியும்? அங்குள்ள பட்ஜெட்டில் பத்து சதவீதம் கூட இங்கு இருக்காது.