கடந்த அக்டோபர் 19ம் தேதி, ஞாயிற்றுக் கிழமை. அன்று ஃபிரான்ஸ் நாட்டில் பாரிசில் இருக்கும் புகழ்பெற்ற லூவர் அருங்காட்சியகம் சரியாக காலை 9 மணிக்கு பார்வையாளர்களுக்காக திறந்துவிடப்பட்டது. 

ஆனால், 9.34 மணிக்கு கழிவுக் கால்வாய்களைத் தூர்வாரும் கிரேன் வைத்த ஒரு மினி லாரி அருங்காட்சியகத்தின் பக்கவாட்டுக்கு வந்தது. கிரேன் ஏணி அருங்காட்சிகத்தின் முதல்  மாடியைத் தொட்டது. தொட்ட இடத்தில் ஒரு ஜன்னல். 

ஏணியில் ஏறிய இருவர் கட்டிங் பிளையரால் ஜன்னலைத் தகர்த்து உள்ளே நுழைந்தனர். உடனே அலாரம் ஒலித்தது. வந்தவர்கள் கொள்ளையர்கள். தாமதிக்காமல் தங்களிடமிருந்த துப்பாக்கியை எடுத்தனர்.செக்யூரிட்டிகளால் ஒன்றும் செய்ய முடியவில்லை. கொள்ளையர்கள் நிதானமாக நடந்து காட்சிக்கு வைக்கப்பட்டிருந்த 8 பொருட்களை எடுத்தனர். சரியாக 9.38க்கு மியூசியத்தை விட்டு வெளியேறினர்.

இவ்விரு கொள்ளையருக்கு உதவியாக வந்த இருவரை பாரிஸ் போலீசார் கைது செய்தனர். கொள்ளையடிக்கப்பட்ட பொருட்களின் மதிப்பு சுமார் ரூ.896 கோடி. களவாடப்பட்ட 8 நகைகளுமே ஃபிரான்சை ஒருகாலத்தில் புகழுடன் ஆண்ட நெப்போலியன் குடும்பத்தைச் சார்ந்தது என்பதுதான் இந்த கொள்ளையை உலகம் முழுவதும் ஒரு பேசு

இதனைத் தொடர்ந்து லூவர் மாளிகை கொஞ்சம் கொஞ்சமாக ஃபிரான்ஸ் தேசத்தின் பொக்கிஷங்களைச் சேகரிக்கும் இடமாக மாறியது. அதிலும் 19ம் நூற்றாண்டில் பெரும் புகழுடன் ஃபிரான்சை ஆண்ட நெப்போலியன் காலத்தில் இந்த லூவர் மாளிகை ஒரு முழுமையான சேகரிப்பு கட்டடமாக மாறியது. 

காரணம், நெப்போலியன் நிகழ்த்திய போரில் கைப்பற்றப்பட்ட விலைமதிப்பில்லாத பொக்கிஷங்கள் ஏராளமாகக் குவிந்ததுதான். என்றாலும் பார்வையாளர்கள் பார்க்கும் ஓர் அருங்காட்சியகமாக இது மாறியது 20ம் நூற்றாண்டில்தான்.

ஐரோப்பா, எகிப்து, சிரியாவில் தொடங்கி இந்திய துணைக்கண்டத்தின் எல்லை வரை நெப்போலியன் போர் செய்தார். இந்தப் போரில் பல்லாயிரக்கணக்கான நகைகள், ஓவியங்கள், பழம்பொருட்கள், சிற்பங்கள் போன்றவற்றை அவரது போர்வீரர்கள் கொள்ளையடித்தார்கள். 

இந்தப் பொருட்கள்தான் லூவர் மியூசியத்தை ஓர் உலகளாவிய அருங்காட்சியகமாக மாற்றியது. உதாரணமாக, இத்தாலியின் லியானார்டோ டாவின்சி என்ற புகழ்பெற்ற ஓவியர் வரைந்த சர்வதேச அளவில் கொண்டாடப்படும் மோனாலிசா ஓவியம், இந்த அருங்காட்சியகத்தில்தான் இருக்கிறது. இது இங்கே வந்த ஆண்டு 1797. 

புன்னகைக்கிறாளா, சோகமாக இருக்கிறாளா, நக்கல் செய்கிறாளா என்ற இனம்புரியாத மர்மப் புன்னைகையின் குறியீடாக இருந்து ஓவிய ரசிகர்களை காலம் காலமாக வசீகரித்து வரும் ஓவியம்தான் மோனாலிசா ஓவியம். இதை இத்தாலி நாட்டின் டாவின்சி என்ற புகழ்பெற்ற ஓவியர் தீட்டினார். 

இந்த ஓவியம் ஃபிரான்சின் லூவர் அருங்காட்சியகத்துக்கு வந்தது தனிக்கதை. ஆனால், வந்த நாளில் இந்த ஓவியத்தின் புகழ் உலகில் பரவாத காலம். இந்நிலையில் 1911ம் ஆண்டு லூவரில் நடந்த ஒரு திருட்டுதான் இந்த ஓவியத்தை சர்வதேச அளவில் பிரபலப்படுத்தியது.

மறுநாள் மியூசியம் திறக்கப்பட்டதும் அந்த ஓவியத்தை எடுத்துக்கொண்டு வெளியே சென்றார். தன் சொந்த நாடான இத்தாலிக்கு பயணப்பட்டார்.தங்கள் நாட்டைச் சேர்ந்த ஓவியம், தங்களிடமே வந்துவிட்டதாக இத்தாலியர்கள் குதூகலித்தார்கள். பெருகியா ஒரு தேசபக்தர் என்று புகழாரம் சூட்டப்பட்டது. 

ஆனால், பெருகியா அந்த ஓவியத்தை விற்க முயன்றார். அப்பொழுது ஃபிரான்ஸ் போலீசிடம் மாட்டிக்கொண்டார். பிறகு ஃபிரான்சின் வேண்டுகோளை அடுத்து மீண்டும் லூவர் மியூசியத்துக்கு மோனாலிசா ஓவியத்தை இத்தாலி வழங்கியது. இப்படி மீண்டும் லூவர் மியூசியத்துக்கு அந்த ஓவியம் வந்து சேர மூன்று ஆண்டுகளானது. 

இதற்கிடையில் ஓவியம் காணாமல்போனதும் இன்னொரு கூத்தும் நடந்தது. அப்போது ஃபிரான்சின் புகழ்பெற்ற ஓவியராக விளங்கியவர் இன்னொரு புகழ்பெற்ற ஓவியரான பிக்காசோ. 

ஆனால், லூவரில் இந்தமுறை நிகழ்ந்த திருட்டு எவ்வித சிரமமும் இன்றி வெறும் நான்கே நிமிடங்களில் அரங்கேறியிருக்கிறது. கட்டடத்திற்கு மேற்பூச்சு பூசுவது அல்லது பராமரிக்கும் மேஸ்திரிகள் போல் சர்வசாதாரணமாக ஏணியில் ஏறி முதல் மாடிக்குச் சென்று குதித்துள்ளனர். 8 பொக்கிஷங்களை எடுத்துக் கொண்டு எந்தவிதமான ஆக்‌ஷனும் இன்றி வெளியேறியுள்ளனர்.