‘கருங்காலி’ படத்தில் ஹீரோவாக அறிமுகமானவர் நடிகர் சேத்தன் சீனு. தொடர்ந்து தெலுங்கில் ‘மந்த்ரா 2’, ‘ராஜு காரி கதி’, ‘பெலிக்கி முந்து பிரேமகதா’ உள்ளிட்ட படங்களில் கதாநாயகனாக நடித்தார்.

‘‘சினிமாவைப் பொறுத்தவரை என்னதான் திறமை இருந்தாலும் சாதிக்க இன்னமும் ஏதோ ஒண்ணு தேவை. அது அதிர்ஷ்டமா இல்லை பின்புலமானு தெரியலை...’’ என்று சொல்லும் சேந்தன் சீனு, இப்போது ‘வள்ளுவன்’ கொடுக்க தயாராக இருக்கிறார்.

‘கொலையிற் கொடியாரை வேந்தொறுத்தல் பைங்கூழ் களைகட் டதனொடு நேர்’... இந்தக் குரலை மையமாக வைத்துதான் இந்த மொத்த திரைக்கதையும் இயக்குநர் சங்கர் சாரதி எழுதியிருக்கார். 

பெண்களுக்கு நடக்கும் அநியாயங்களை நோக்கி ஸ்கிரிப்ட் நகரும்.எதார்த்தமான இளைஞனா நடிச்சிருக்கேன். வேலை கிடைக்காமல் டெலிவரி பாய் மாதிரி இருப்பாங்க இல்லையா... அப்படியான ஓர் இளைஞன். அப்படிப்பட்டவன் வாழ்க்கைல ஒரு பிரச்னை வருது. இதைச் சுற்றிதான் படம். 

நீங்களே பாக்கறீங்களே... கடந்த 15 வருடங்களா ஓடிக்கிட்டு இருக்கேன். ஆனாலும் இன்னமும் சரியான இடம் கிடைக்கலை. ஏன்னு தெரியலை. தமிழிலும் தெலுங்கிலும் நல்ல கதைகள்ல நடிச்சுட்டுதான் இருக்கேன். இங்க எத்தனையோ கம்பெனிகள்ல ஏறி இறங்கியாச்சு. ‘நீங்க ரொம்ப சிவப்பா இருக்கீங்க... தமிழ்க் கதைகளுக்கு பொருந்த மாட்டீங்க’னு சொன்னாங்க.