SIR எனும் சிறப்பு தீவிர வாக்காளர் பட்டியல் திருத்தத்தை (Special Intensive Revision) தமிழ்நாடு உட்பட 12 மாநிலங்களில் இரண்டாம் கட்டமாக நடத்த இந்தியத் தேர்தல் ஆணையம் களமிறங்கி உள்ளது. இந்நிலையில் இந்தச் சிறப்பு தீவிர திருத்தம் அவசரமாக செய்யப்படுவதாக திமுக உள்ளிட்ட பல்வேறு கட்சிகளும் எதிர்ப்பு தெரிவித்துள்ளன. 

கடந்த வாரம் தமிழக முதல்வர் மு.க.ஸ்டாலின் தலைமையில் நடந்த அனைத்துக் கட்சிக் கூட்டத்தில் சிறப்பு தீவிர திருத்த பணிகளை நிறுத்தி வைக்கக் கோரியும், இதனை இந்தியத் தேர்தல் ஆணையம் ஏற்காவிட்டால் உச்சநீதிமன்றத்தில் வழக்கு தாக்கல் செய்யவும் தீர்மானம் நிறைவேற்றப்பட்டுள்ளது.     

அப்போது பேசிய முதல்வர், ‘‘நேர்மையான தேர்தலுக்கு உண்மையான வாக்காளர் பட்டியல் அவசியம் என்பதை யாரும் மறுக்கவில்லை. ஆனால், அதற்கு உரிய கால அவகாசத்தைக் கொடுக்கவேண்டும். பதற்றமில்லாத சூழலில் அதைச் செய்ய வேண்டும். தேர்தலுக்கு சில மாதங்களுக்கு முன்பாக முழுமையான திருத்தப் பணிகள் செய்ய நினைப்பது உண்மையான வாக்காளர்களை நீக்குவதற்கான தந்திரமாகும். 

மக்களின்வாக்குரிமையைப்பறிக்கும் விதமாகவும் அவர்களை அச்சுறுத்தும் விதமாகவும் பீகாரில் சிறப்பு தீவிர திருத்தப் பணிகள் நடந்தன. அதுபோல் தமிழகம் உள்ளிட்ட மாநிலங்களிலும் நடக்கவுள்ளது. இதற்கு எதிராக தமிழ்நாடு தனது எதிர்ப்பை வெளிப்படுத்த வேண்டியது முக்கிய தேவையாக உள்ளது...’’ எனக் குறிப்பிட்டுள்ளார்.  

முதலில், ஒருவருக்கு 18 வயது எப்போது வருகிறதோ அப்போதே ஆன்லைனில் விண்ணப்பித்து சேர்க்கலாம். அதற்கு எந்தத் தடையும் இல்ல. ஆண்டு முழுவதும் எல்லா நாளும் பண்ணலாம். 

மாறாக 2003ம் ஆண்டுக்குப் பிறகு பிறந்தவங்க அப்பா, அம்மாவின் பிறப்புச் சான்றிதழை இணைக்கணும். 1987ம் ஆண்டு முதல் 2003க்குள் பிறந்தவர்கள் பெற்றோரில் யாராவது ஒருவரின் பிறப்புச் சான்றிதழை இணைக்கணும்னு சொல்றாங்க. 

பொதுவாக கிராமங்களில் வீட்டில் பிரசவம் நடப்பதால் பெரும்பாலானவர்கள்பிறப்புச்சான்றிதழ் வாங்குறதில்ல. தமிழ்நாடு மாதிரி இடங்கள்ல 90 சதவீதத்தைத் தாண்டி எல்லா குழந்தைப் பிறப்புமே ஆஸ்பிட்டலில்தான் நடக்குது. அதனால் பிறப்பு சான்றிதழ் ஆட்டோமெட்டிக்காக 

ஆனா, 2003ம் ஆண்டு பீகாரில் 70 சதவீதம் பேருக்கு மேல் வீட்டுலதான் குழந்தைப்பேறு நடந்திருக்கு. அப்ப வீட்டுல வச்சு நடக்குதுனா சான்றிதழ் இருக்காது. இவங்களை எல்லாம் என்ன பண்றது என்கிற கேள்வி இருக்கு.

இதனால் உச்சநீதிமன்றத்துல வழக்குகள் தாக்கல் செய்யப்பட்டன. உச்சநீதிமன்றம் தலையிட்ட பிறகே ஆதாரும் ஓர் ஆவணம்னு ஏத்துக்கிட்டாங்க. பிறகு பீகார் வரைவு வாக்காளர் பட்டியல் வெளியிட்டபோது 65 லட்சம் வாக்காளர்கள் நீக்கப்பட்டிருந்தாங்க. 

இதில் உயிருடன் இருந்த பலர் செத்துபோனவர்கள்னு நீக்கப்பட்டிருந்தாங்க. இந்நிலையில் செத்துப்போனதாக சொல்லப்பட்ட சிலரை யோகேந்திர யாதவ் நீதிமன்றத்தில் கொண்டுபோய் நிறுத்தினார்.

 ‘இவர்களைத்தான் நீங்க செத்துப்போனவர்கள்னு சொல்றீங்க’னு சொன்னார்.இந்தக் குளறுபடிகளால்தான் அவசரகதியில் செய்ய வேண்டாம்னு சொல்றோம். ஆரம்பத்துல வெளிநாட்டினர் ஏராளமாக இருக்காங்கன்னு சொன்னாங்க. ஆனா, ஒருத்தரைக்கூட நீக்கினதா சொல்லல. வெளிநாட்டுக்காரர்னு கண்டுபிடிச்சதாகக்கூட சொல்லல. 

ஒருவேளை வெளிநாட்டுக்காரர்னு கண்டுபிடிச்சிருந்தால் அவங்கள ரிப்போர்ட் பண்ணியிருக்கணும். அவங்கள முகாமிற்குக் கொண்டு வந்திருக்கணும். ஆனா, அப்படி எதுவும் நடக்கல.

தமிழ்நாட்டுக்கு வருவோம். ‘இந்த சிறப்பு திருத்தத்தை தமிழகத்தில் நம்மூர் அதிகாரிகள்தான் செய்யப்போறாங்க, அப்புறம் ஏன் பிரச்னை’னு சிலர் கேட்கறாங்க. இந்தமாதிரியான விஷயங்களில் உள்ளூர் அதிகாரிகள் எதையும் தீர்மானிக்கமுடியாது. 

மேலிருந்து போடும் உத்தரவைத்தான் இவர்கள் கேட்க வேண்டியிருக்கும்.இப்போது ஒருமாத காலத்தில் முடிக்க திட்டமிட்டுள்ளதாக தேர்தல் ஆணையம் தெரிவிச்சிருக்கு. அதனால் தினமும் அதிகாரிகள் வீட்டுக்கு வருவாங்கனு சொல்றாங்க. இதில் நான் வெளியூருக்கோ அல்லது வெளிநாட்டிற்கோ போயிருந்தால் என்ன பண்றது என்கிற கேள்வி இருக்கு.

இன்னைக்கு பலர் வெளிநாடுகளில் வேலை நிமித்தமாக இருக்காங்க. அவங்க பெற்றோர் தங்கள் குழந்தைகளைப் பார்க்க மூணு மாதம், ஆறு மாதம்னு விசா எடுத்து போறாங்க. இதுக்கு அவங்க ஆன்லைன்ல அப்ளை செய்தால் போதும்னு சொல்றாங்க.

ஆனா, உறுதிப்படுத்துகிற அன்னைக்கு அவர் வெளிநாட்டில் இருக்கார்னு வைப்போம். அவருக்கு ஓர் ஆவணம் வாங்கணும்னா பக்கத்து வீட்டுக்காரரோ அல்லது உறவினரோ வாங்கித் தருவார்னு சொல்லமுடியாது. அப்போ ஆவணங்கள் கொடுக்க முடியாமல் போகும்.