வெளியான நான்கே நாட்களில் ரூ.50 கோடியை வசூல் செய்திருக்கிறது ‘களம்காவல்’ மலையாளத் திரைப்படம். செப்பு மொழி பதினெட்டிலும் இப்படம் குறித்தும், குறிப்பாக கதாபாத்திரங்களின் வடிவமைப்பு குறித்தும்தான் பேச்சு, பாராட்டு. 

‘‘சார்... கதைப்படி 30க்கும் மேலான பெண்களை பாலியல் இச் சைக்கு உட்படுத்தி அவர்களை தொடர்ந்து கொலை செய்யும் ஒரு சீரியல் கில்லர். அந்தக் கொலைகாரன் நீங்கள்தான். இதற்குப் பின்னணியில் உங்களுக்கு எந்த ஃபிளாஷ்பேக் கதையும் கிடையாது; எந்தப் பரிதாப நோக்கமும் வைக்கப்படாது...’’

ஆனால், மலையாளத் திரையுலகின் மெகா ஸ்டார் மம்மூட்டி இப்படி ஒரு கதையில் நடித்திருக்கிறார்; ஓர் அறிமுக இயக்குநர் அவரை நடிக்க வைத்திருக்கிறார்; இப்படத்தையும் மம்முட்டியே தயாரித்திருக்கிறார்... என்பதுதான் ‘களம்காவல்’ படத்தின் ஆச்சர்யங்கள்.இதே படம் மம்மூட்டியின் திரைப்பட வரலாற்றில் சாதனை வெற்றியாகியிருக்கிறது. 

எப்படி சாத்தியம்... இதன் பின்னணி என்ன... என்பதையெல்லாம் முழுமையாக, விளக்கமாக பகிர்ந்து கொண்டார் ‘களம்காவல்’ படத்தின் வழியாக இயக்குநராக அறிமுகமாகியிருக்கும் ஜிதின் கே ஜோஸ். இதற்கு முன்பு துல்கர் சல்மான் நடித்த ‘குரூப்’ படத்தின் ஸ்கிரிப்ட் ரைட்டர் இவர் என்பது குறிப்பிடத்தக்கது. 

ஆனா, இந்தக் கதை, கதாபாத்திரம் முழுமையாகவே மம்மூட்டி சாருக்காகத்தான் எழுதினேன். நண்பர் தயாரிப்பாளர் ஒருவர் மூலமா அவருடைய சந்திப்பு கிடைச்சது. 

என்னுடைய பெஸ்ட் கொடுத்து அவருக்கு கதை சொன்னேன். கதையும் கதாபாத்திர விளக்கமும் மட்டும்தான் சொன்னேன். ஆனா, ‘ஸ்டான்லி தாஸ்’ இப்படித்தான் இருக்கணும் என்கிற மொத்த கேரக்டர் உருவாக்கமும் மம்மூட்டி சாருடைய மெனக்கெடல்தான்.

இதனுடன் ஒப்பிடும்போது, இந்த ஸ்டான்லி கதாபாத்திரத்துல அவர் நடிச்சது ஆச்சர்யமில்ல. சொல்லப் போனா சார் நடிக்க மறுத்திருந்தாதான் அது ஆச்சர்யம்.அவருக்குள்ள எப்பவும் ஒரு நடிப்பு தாகம் இருந்துகிட்டே இருக்கு. அந்தத் தாகம் நிச்சயம் இந்தக் கதையை செய்ய வைக்கும் என்கிற நம்பிக்கை எனக்கிருந்தது.

ஒரு வார்த்தை... ஒரேயொரு வார்த்தை கூட பேசாமல் கதை கேட்டார். கேட்கும்போது அவருக்கு திரைக்கதையில் ஆர்வம் இருப்பதை அவர் கண்கள்ல பார்க்க முடிந்தது. அதேபோல முழுமையா கதை கேட்டுட்டு, ‘நிச்சயம் செய்யலாம் ஜிதின்’னு சொல்லிட்டு அவரே தயாரிக்க முன்வந்தார்.

சன் பிக்சர்ஸ் தயாரிப்பில் ரஜினி சார் நடிச்ச ‘ஜெயிலர்’ படம் வழியா விநாயக், இந்திய அளவுல ஃபேமஸ். அவரை வில்லனாதான் எல்லாப் படங்கள்லயும் பெரும்பாலும் எல்லாரும் பார்த்திருக்கோம்.இப்படி காலம் காலமாக இருக்கும் சினிமா டெம்ப்ளேட்டை உடைக்கணும்னு நினைச்சேன். 

என் முதல் குறிக்கோளே இதுதான். அதாவது வெள்ளையா இருக்கறவன் அல்லது ரொம்ப ஸ்மார்ட்டா, அழகா இருக்கறவன்தான் ஹீரோ... கொஞ்சம் பார்க்க சுமாராக இருப்பவன், குறிப்பா தோல் நிறம் டஸ்க்கியாக இருந்தா அவன்வில்லன்,  கெட்டவன்... இந்த டெம்ப்ளேட்டை உடைக்கணும்னு முடிவெடுத்தேன். 

எனக்கு சொந்த ஊர் கன்னியாகுமரி. கேரளா பார்டர்தான். படிச்சு முடிச்சு அசிஸ்டென்ட் இயக்குநராக நிறைய படங்களில் வேலை செய்திருக்கேன். அதற்கிடையில்தான் ‘குரூப்’ படத்திற்கான திரைக்கதை எழுதும் வாய்ப்பு கிடைச்சது. தமிழ்நாடு, கேரளானு மாறி மாறி நிறைய பயணம் செய்திருக்கேன். 

அதனால் அந்த ஏரியா முழுக்கவே ஓரளவு எனக்கு பரிச்சயம். அந்த அடிப்படையில்தான் இந்தக் கதைக்கான லொகேஷன்ஸ் தேர்வு செய்தேன். இரண்டாயிரத்தில் இந்தக் கதை நடக்குது. அப்ப செல்போன் வந்துடுச்சு. 

ஆனா, ஜிபிஎஸ் ட்ராக் அவ்வளவு ஸ்ட்ராங்கா இல்லை. சிசிடிவி கேமராக்கள் கூட மெட்ரோ நகரங்கள்ல மட்டும்தான் இருந்துச்சு. கண்டிப்பா படம் பார்க்கும்பொழுது இப்படியான லாஜிக் சந்தேகங்கள் எல்லாமே வரும். அதையெல்லாம் நானும் யோசித்துதான் கதை எழுதினேன். 

உடன் வட்ட வட்டமாக புகை பிடிக்கும் தோரணை, சன் கிளாஸ் இறக்கி பார்க்கும் மயக்கும் ஈவில் பார்வை, கட்டம் போட்ட சட்டை, பின்னால் வழித்து சீவிய ஹேர்ஸ்டைல்... இதையும் சொல்லுங்க!இவையெல்லாமே நானும், மம்மூட்டி சாரும் சேர்ந்து உருவாக்கினதுதான். அவருக்கு அந்தக் கேரக்டர் மேல் அப்படி ஓர் ஆர்வம்.