பிச்சைக்காரர்கள் தங்களுக்குள் சண்டை போடுறதையெல்லாம் யாரும் ‘தர்ம யுத்தம்’னு சொல்லவே முடியாது.
- கோயில் வாசலில் தர்ம சிந்தனையோடு தத்துவம் எழுதுவோர் சங்கம்

காதல் என்பது ‘சிக்ஸ்பேக்’ போல,
ஒழுங்கா மெயின்டெயின் பண்ணலைன்னா போயிடும்;
நட்பு என்பது தொப்பை மாதிரி,
ஒரு தடவை வந்துடுச்சுன்னா போகவே போகாது!

எவனோ கட்டிக்கப் போற பொண்ணுக்கு ஐஸ்க்ரீம், சாக்லெட் எல்லாம் வாங்கிக் குடுத்து அவ ஹெல்த்தை தேத்தி விட்டு, சுடிதார், மேக்கப் அயிட்டங்கள், பூ, எல்லாம் வாங்கிக் குடுத்து அட்டு ஃபிகரை அழகு ஃபிகராக்கி, எவனுக்கோ கட்டி வைக்கிற வெட்டி வேலைதான் காதல்!
- எல்லாம் வாங்கிக் குடுத்து போண்டியானோர் சங்கம்

‘‘ஒரு கோடி ரூபாய்க்கு இன்சூரன்ஸ் பாலிசி எடுத்தது
தப்பாப் போச்சு...’’
‘‘ஏன்..?’’
‘‘நான் வெளியே போயிட்டு திரும்ப வீட்டுக்குள்ளே போகும்போதெல்லாம் என் மனைவி ஏக்கப் பெருமூச்சு விடறா..!’’

‘‘நம்ம தலைவர் இதுவரைக்கும் பத்து கடைகளைத்தான் திறந்து வச்சிருக்கார்... ஆனா ‘நூறாவது கடைத் திறப்புவிழா’ன்னு ஏன் போஸ்டர் ஒட்டச் சொல்றார்?’’
‘‘அரசியலுக்கு வர்றதுக்கு முன்னாடி ராத்திரியில திறந்த கடைகளையும் சேர்த்துச் சொல்றாரா இருக்கும்!’’

‘‘பழிவாங்கறதுல அந்தக் கட்சியை மிஞ்ச ஆள் கிடையாதுன்னு எப்படிச் சொல்றே..?’’
‘‘மக்கள் மனதில் ‘இடம்’ பிடிப்பேன்னு பேசினதுக்கே, நம்ம தலைவரை நில அபகரிப்பு வழக்குல உள்ளே போட்டுட்டாங்க..!’’

‘‘நடு ராத்திரியில் புகார் கொடுக்க வந்திருக்கீங்களே... என்ன விஷயம்?’’
‘‘நான் என் தூக்கத்தைத் தொலைச்சுட்டேன் சார்..!’’