JOKES

‘‘அந்த ஹோட்டல் பாத்ரூம்ல கேமரா இருக்குன்னு எப்படிச் சொல்றீங்க..?’’
‘‘நான் வழுக்கி விழுந்ததும், அவங்களே டாக்டரை அனுப்பிட்டாங்களே!’’
- அ.ரியாஸ், சேலம்.

‘‘நாலு பேருக்கு சந்தோஷம்னா எது வேணா பண்ணலாம்...’’
‘‘அப்படின்னா பொதுக்கூட்டத்தை ரத்து பண்ணிடுங்க தலைவரே!’’
- பெ.பாண்டியன், கீழசிவல்பட்டி

‘‘உங்க வீட்ல திருடினவன் இவனுங்கள்ல யாருன்னு அடையாளம் காட்டும்மா...’’
‘‘ஏன் சார்... திருட்டு போனதைக் கண்டுபிடிக்கப் போறீங்களா?’’
‘‘இல்லம்மா, எங்களுக்கு இன்னும் மாமூல் வந்து சேரல!’’
- சரவணன், கொளக்குடி.

‘‘தலைவர் பின்னால 10 பேர்தான் நிக்கறாங்க... ஆனா ‘என் பின்னால கட்சியே நிக்குது’ன்னு பேசறாரே?’’
‘‘உண்மையைத்தானே பேசறார்... நம்ம கட்சியில இருக்கறது அந்த 10 பேர்தானே..?’’
- கே.ஆனந்தன், பே.தாதம்பட்டி.



‘‘ஏன்டி! இன்னிக்கு சமையல் ஒரே உப்பும் காரமுமா வாயில வைக்க முடியாதபடி இருக்கே... என்ன விஷயம்?’’
‘‘உங்க அம்மா வர்றதா சொன்னாங்க. அதனால்தாங்க!’’
- ஆர்.நெடுஞ்செழியன், பருத்திச்சேரி.

தத்துவம் மச்சி தத்துவம்

சைக்கிளைக் கண்டுபிடிச்சது, காரைக் கண்டுபிடிச்சது, ரயிலைக் கண்டுபிடிச்சது, ஏன்... விமானத்தைக் கண்டுபிடிச்சது எல்லாம் வேற வேற ஆளா இருந்தாலும், இது எல்லாம் தொலைஞ்சு போயிட்டா அதை கண்டுபிடிக்கிறது போலீஸ்தானே!
- ஜி.தாரணி, மதுரை.

என்னதான் கொண்டைக்கடலையில் கொண்டை இருந்தாலும், அந்தக் கொண்டையை சீவி சிங்காரிச்சு பூவெல்லாம் சுற்ற முடியாது!
- கொண்டையை வைத்து மண்டையைப் பிய்த்து கிண்டல் சுண்டல் சமைப்போர் சங்கம்
- என்.கஜேந்திரன், நிரவி.