சற்குணம் இயக்கத்தில் விமல், ஓவியா நடித்துள்ள ‘களவாணி - 2’ படத்தில் ‘ராவண்ணா’ என்கிற முக்கியமான கேரக்டரில் நடித்தவர் துரை சுதாகர். இவர் ஏற்கனவே ‘தப்பாட்டம்’ என்ற படத்தில் ஹீரோவாக நடித்தவர்.

சினிமா, பிசினஸ், சமூக சேவை என்று பல தளங்களில் பிஸியாக இருப்பவர். சினிமா வட்டாரத்தில் ‘பப்ளிக் ஸ்டார்’ என்று அழைக்கப்படும் இவர் தற்போது ‘டேனி’ படத்தில் நடித்து வருகிறார். பிஸி ஷெட்யூலுக்கு மத்தியில் பப்ளிக் ஸ்டார் நம்மிடம் பேசினார்...

“ஹோம்வொர்க் பெரியளவில் தேவைப்படவில்லை. நான் தஞ்சாவூர்க்காரன். எங்க ஊரோட யதார்த்த நிலையைத்தான் படத்தில் பார்த்தீர்கள்.

படத்துலே வர்ற எல்லா நிகழ்வுகளும் எங்க கிராமங்களில் நடக்கக் கூடியவைதான். என்னுடைய கேரக்டரில் தஞ்சை அல்லாத வேறு ஊரைச் சேர்ந்த நடிகர் நடித்திருந்தால் அவருக்கு ஹோம் ஒர்க் பண்ண வேண்டிய அவசியம் ஏற்பட்டிருக்கும். கதைக்களம் எங்க ஊர் என்பதால் எனக்கு ஹோம் ஒர்க் தேவைப்படவில்லை. ஒருவேளை வித்தியாசத்துக்காக பண்ணியிருந்தால் செயற்கையாக இருந்திருக்கும்.

சிலருக்கு சினிமா ஆர்வம் இல்லாமல் இருக்கலாம். ஆனால் எல்லோருக்குள்ளும் ஒரு நடிகன் இருக்கிறான். குடும்பத்தில் உறவுகளிடம், பள்ளியில் டீச்சரிடம், அலுவலகத்தில் நண்பர்களிடம் என்று எல்லா இடங்களிலும் நடித்துக் கொண்டிருக்கிறோம்.பயிற்சி எடுத்துக் கொள்ளவில்லை என்றால் ஆரம்பத்தில் கொஞ்சம் தயக்கம் இருக்கும்.

அது விலகிய பிறகு சகஜமாகிவிடும். எந்த கேரக்டர் கொடுத்தாலும் நடிக்க முடியும். நான் என்று இல்லை, எல்லாராலும் பயிற்சி இல்லாமல் நடிக்க முடியும். சினிமா நம்முடைய வாழ்க்கையைத்தான் பிரதிபலிக்கிறது. நம்முடைய வாழ்க்கையைத் தாண்டிய விஷயம் என்றால் பயிற்சி தேவைப்படும்.”

சினிமா துறையிலிருந்து நிறையப் பேர் பாராட்டினார்கள். சினிமாவுக்கு வந்த சமயத்தில் முன்னணி இயக்குநர்கள் சிலரிடம் வாய்ப்பு கேட்டிருக்கிறேன். அப்போது எனக்கு நடிக்கத் தெரியுமா என்ற சந்தேகம் இருந்திருக்கலாம்.

‘களவாணி-2’ அந்த சந்தேகங்களைத் தீர்த்து வைத்திருப்பதாக நினைக்கிறேன். முன்பு எனக்கு நடிப்பு வருமா என்று யோசித்தவர்கள் இப்போது பாராட்டுகிறார்கள். பெரிய இயக்குநர்களின் வாழ்த்துகளை எனக்கான அங்கீகாரமாகப் பார்க்கிறேன். இப்போது அதைத் தக்க வைக்க வேண்டும் என்ற பொறுப்பும் அதிகரித்துள்ளது.”