18+

ஆலிவருக்கு ஒதுக்கப்பட்ட இருக்கையில் சீட் பெல்ட் வேலை செய்யவில்லை. ஹாட்லிக்கு அருகிலிருக்கும் பிசினஸ் கிளாஸ் இருக்கை மட்டுமே காலியாக இருக்கிறது. அந்த இருக்கை ஆலிவருக்குக் கிடைக்க, இருவரும் பேசிக்கொண்டே பயணிக்கின்றனர். 

இருவருக்குள்ளும் காதல் மலர்கிறது. லண்டனில் விமானம் இறங்கியதும் இருவரும் வெவ்வேறு திசையில் சென்று விடுகின்றனர். மறுபடியும் ஆலிவரும், ஹாட்லியும் இணைந்தார்களா என்பதே மீதிக்கதை. நல்லதொரு ரொமாண்டிக் படத்தைக் கொடுத்திருக்கிறார் இயக்குநர் வனீஷா கேஸ்வில்.

சத்தம் இல்லாமல் ‘அமேசான் ப்ரைமி’ல் வெளியாகி, பார்வைகளை அள்ளிக்கொண்டிருக்கும் இந்திப் படம், ‘நீயட்’. இந்தியாவைச் சேர்ந்த பெரிய பிசினஸ்மேன் ஆசிஸ் கபூர் எனும் ஏகே. தனது நிறுவனங்களில் பணிபுரிந்த ஊழியர்களுக்கு இரண்டு வருடங்களாக சம்பளம் தரவில்லை. 

அத்துடன் வங்கியில் வாங்கிய கடன்களையும் திருப்பித்தரவில்லை. அவருடைய நிறுவனத்தில் பணியாற்றிய ஏழு, எட்டுப் பேர் தற்கொலை செய்துகொண்டனர். இந்தியாவிலேயே இருந்தால் போலீஸில் மாட்டிக்கொள்வோம் என்று ஸ்காட்லாந்துக்குப் பறந்துவிடுகிறார். அங்கே சொகுசான ஒரு மாளிகையில் வாழ்ந்துவருகிறார்.

ஏகேயின் பிறந்த நாள் வருகிறது. ஸ்காட்லாந்து மாளிகையில் பிறந்த நாள் கொண்டாட்டத்துக்கான ஏற்பாடுகள் நடக்கின்றன. அவருக்கு நெருக்கமான சிலருக்கு மட்டுமே அழைப்பு விடப்பட்டிருக்கிறது. 

கொண்டாட்டத்தின் போது அழையா விருந்தாளியாக வருகிறார் சிபிஐ அதிகாரி மீரா. பிறந்த நாள் கொண்டாட்டத்துக்கு வந்திருந்தவர்களிடம் நான் சரணடையப் போகிறேன் என்கிறார் ஏகே. அங்கே மீரா எதற்காக வந்திருக்கிறார்... ஏகே சரணடைந்தாரா அல்லது வேறு ஏதாவது செய்தாரா... என்பதற்கு பதில் சொல்கிறது திரைக்கதை. ஏகேவாக நடித்திருப்பவரின் தோற்றம், அவருக்குப் பின்னணியாக இருக்கும் கதை எல்லாம் விஜய் மல்லையாவை நினைவுக்குக் கொண்டு வருகிறது. படத்தின் இயக்குநர் அனு மேனன்.

சித்தகவுடா ஓர் ஆணாதிக்கவாதி. 

தனது மனைவி கவுசல்யாவை ஓர் அடிமை போல நடத்துகிறார். இத்தம்பதியின் ஒரே மகன் ராம். அப்பாவைப் போலவே ஓர் ஆணாதிக்கவாதியாகவே வளர்கிறான் ராம். வீட்டில் மட்டுமல்லாமல் வெளியிலும் ஆணாதிக்கவாதியாகவே நடந்துகொள்கிறான்.