கேமராவுக்குப் பின்னால் பெண்கள்!

டேட்டா ஆய்வுகள் சொல்லும் வளர்ச்சியும், வழிகளும்!

பெண்கள் கடந்த பத்து வருடங்களாகவே எல்லா துறைகளிலும் மிக அற்புதமான வளர்ச்சியை அடைந்து வருகின்றனர். குறிப்பாக நடிப்பு மட்டுமே பெண்களுக்கு என்றிருந்த நிலை மாறி இன்று சினிமா தொழில்நுட்பத் துறையிலும் உறுதியான முன்னேற்றம் தெரிகிறது. எனினும் சினிமாவில் சில தொழில்நுட்பத் துறைகளில் இன்னும் கடுமையான இடைவெளி காணப்படுகிறது.

எந்தெந்த துறைகளில் எவ்வளவு விகிதம் வளர்ச்சி, எந்தெந்த துறையில் இன்னும் கவனம் தேவை, பெண்கள் மற்றும் பெண் சார்ந்த தொழில் வளர்ச்சி குழுக்கள் என்ன செய்ய வேண்டும்? டேட்டா ஆய்வுகள் கொடுக்கும் உண்மை நிலவரம் என்ன?

சினிமாவில் வளர்ச்சிப் பாதையில் பெண்கள் அதிகரித்து வரும் துறைகள்:

எடிட்டிங் (Editing):

கடந்த சில ஆண்டுகளில் பெண்கள் எடிட்டிங் துறையில் குறிப்பிட்ட வளர்ச்சியில் சென்று கொண்டிருக்கிறார்கள். ஆர்த்தி பஜாஜ், நம்ரதா ராவ், தீபா பாதியா, ஆண்ட்ரியா, ஸ்னேகா நாயர் போன்ற பெண்கள் முன்னணி எடிட்டர்களாக இருக்கின்றனர்.

ஆடைகள் வடிவமைப்பு (Costume Design):

இந்த துறையில் பெரும்பாலும் பெண்களே ஆட்சி செலுத்துகிறார்கள். நீதா லுல்லா, ஏகா லகானி, பவித்ரா, அனு வர்தன், அனு பார்த்தசாரதி,  மற்றும் நல்வினா ஸ்டைல் போன்றோர் பல வெற்றிப் படங்களில் பணியாற்றி வருகின்றனர்.

மேக்கப் & ஹேர்ஸ்டைலிங்:

இந்தத் துறையிலும் சந்த்யா சேகர், லேகா குப்தா, மேகாஹ் ஓபராய், ஆர்த்தி நாயர் என பல பெண்கள் கோலோச்சி வருகிறார்கள். மேலும் நடிகைகள் மட்டுமின்றி நடிகர்கள் பலரும் கூட பெண் மேக்கப் மற்றும் ஹேர் ஸ்டைலிங்கை நாடுவது சமீப காலமாக பெருகி வருகிறது.

எழுத்து (Writing  Story/Screenplay/Dialogues):