நிச்சயம் அறிந்திருக்கமாட்டோம். மேற்கு ஆப்ரிக்காவில் கானா நாட்டின் அருகே நிலங்களால் சூழப்பட்ட ஒரு நாடு புர்கினோ ஃபாசோ. இங்கு 1983ம் ஆண்டில் இருந்து 1987ம் ஆண்டு வரை அதிபராக இருந்தவர் தாமஸ் சங்காரா. மார்க்சிய சிந்தனையாளரும், ராணுவத் தலைவருமான இவர் அங்குள்ள மக்களால் ஆப்பிரிக்காவின் சே குவேரா என அழைக்கப்பட்டார். 

காரணம், மக்கள் ஆதரவுடன் ராணுவப் புரட்சி மூலம் ஆட்சியைக் கைப்பற்றி பல்வேறு சமூக சீர்திருத்தத் திட்டங்களுக்கு தாமஸ் சங்காரா வித்திட்டார் என்பதுதான். இதனால் 33 வயதில் அதிபராகப் பொறுப்பேற்றவர், 37 வயதிலேயே படுகொலையும் செய்யப்பட்டார்.   

இப்ராஹிம் ட்ரோரே உலகின் இரண்டாவது இளம் வயது அதிபர் என்ற பெயரைப் பெற்றவர் இப்ராஹிம் ட்ரோரே. புர்கினோ ஃபாசோவின் இரண்டாவது நகரமான போபோ டியோலாசோவையும், நான்காவது பெரிய நகரமான ஓஹிகோயாவையும் இணைக்கும் சாலையில் உள்ள பாண்டோகுய் எனும் ஒரு சிறுநகரத்தில் 1988ம் ஆண்டு பிறந்தவர் இவர்.

தொடர்ந்து ஊழலை நீக்குவது, ஃபிரஞ்சு ஆதிக்கத்தைக் குறைப்பது, ஏகாதிபத்தியத்தை எதிர்ப்பது, வெளிநாட்டு நிதியுதவிகளைத் தவிர்ப்பது, நிலம் மற்றும் கனிம வளங்களை தேசியமயமாக்கல், உலக வங்கியின் செல்வாக்கைக் குறைத்தல், நாட்டில் வறுமையை ஒழித்தல், நிலச்சீர்திருத்தம் செய்தல் எனப் பல்வேறு நடவடிக்கைகளை மேற்கொண்டார்.

இதனால் ஆப்ரிக்காவின் சே குவேரா எனக் கொண்டாடப்பட்டார். அவரின் கொள்கைகள் பிடிக்காத இனக்குழுத் தலைவர்கள் சிலரும், மக்களும் இருந்தனர். இதனால் ராணுவப் புரட்சி மூலம் அவர் ஆட்சி அகற்றப்பட்டு படுகொலையும் செய்யப்பட்டார்.

அவரின் கண்ணோட்டத்தை தற்போது ஆட்சியைப் பிடித்திருக்கும் இளம் அதிபர் இப்ராஹிம் ட்ரோரேவும் பிரதிபலிப்பதாகச் சொல்கின்றன தகவல்கள். ட்ரோரே பதவிக்கு வந்ததும் முதல்கட்டமாக ஃபிரஞ்சு இராணுவப் படைகளையும் தொழிலாளர்களையும் அகற்றினார்.

காலனித்துவத்திற்குப் பிறகு புர்கினோ ஃபாசோவுடன் ஃபிரான்ஸ் வளர்ச்சி முகமை பார்ட்னராக இணைந்து பல்வேறு நிதியுதவிகளை செய்து வந்தது. இதனையும் ட்ரோரே நாட்டிலிருந்து அகற்றினார். ஃபிரஞ்சுக்காரர்கள் பிரதிபலன் அடையவே இந்த நிதியுதவியை செய்கின்றனர் என்றார் ட்ரோரே.

சமீபத்தில் அவர் ஈகோவாஸ் எனப்படும் மேற்கு ஆப்ரிக்க நாடுகளின் பொருளாதார கூட்டணியிலிருந்து விலகி மாலி, நைஜர் நாடுகளுடன் இணைந்து சாகேல் கூட்டணியை ஏற்படுத்தியுள்ளார்.

அதுமட்டுமல்ல. பெரும்பாலான மேற்கத்திய நாடுகள் ஆப்ரிக்காவை அதன் வளங்களுக்காகவும், அங்குள்ள வனவிலங்குகளை தொலைக்காட்சி அல்லது பொழுதுபோக்கிற்காகவும் மட்டுமே பயன்படுத்துகின்றன என குற்றம்சாட்டினார் ட்ரோரே.  

அவர்கள் உண்மையில் ஆப்பிரிக்கா வளர வேண்டும் என நினைத்திருந்தால் அதை என்றோ செய்திருக்கலாம். ஆனால், அவர்கள் எண்ணம் அதுவல்ல. ஆப்ரிக்காவின் வளங்களை மட்டுமே அவர்கள் விரும்புகின்றனர் என்றார்.

மேலும் அவர், ‘உலகின் தங்கத்தில் சுமார் 30 சதவீதம் ஆப்பிரிக்காவிடம் உள்ளது. இது உலகெங்கிலும் உள்ள பெரும்பாலான நாடுகளுக்கு இருப்பு நாணயமாகும். நமது போன்களிலும், எலக்ட்ரானிக் சாதனங்களிலும் உள்ள கனிமமான கோபால்ட் தென்பகுதி ஆப்ரிக்காவில் 70 சதவீதம் உள்ளது.இவ்வளவு வளங்களுடன் பணக்கார தேசமாக உள்ள ஆப்பிரிக்கா ஏன் இன்னும் ஏழையாக வைக்கப்பட்டுள்ளது என்பதே என் கேள்வி’ என்கிறார். 

இதனால் மக்கள் மத்தியில் பிரபலமடைந்தார் ட்ரோரே. தாமஸ் சங்காராவைப் போல் அவரும் மக்களின் முகமாக மாறினார். இந்நிலையில் அவரை சிலர் ஆப்ரிக்காவின் சே குவேரா என வர்ணித்தனர். இருந்தும் ஆப்பிரிக்காவின் சே குவேரா என சங்காராவுடன் ஒப்பிடுவதெல்லாம் கொஞ்சம் அதிகம் என்றும் சில தகவல்கள் ட்ரோரேவின் மைனஸை சுட்டிக்காட்டி வலம்வருகின்றன.