இன்று பல்வேறு துறைகளில் திருநங்கைகள் சிறப்பாக சாதித்துக் காட்டி வருகின்றனர். டாக்டர், வழக்கறிஞர், போலீஸ், அரசியல் என அடுக்கிக்கொண்டே போகலாம்.

இதோ அந்த வரிசையில் ஆங்கிலத் துறையில் முனைவர் பட்டம் பெற்று சென்னை லயோலா கல்லூரியில் உதவிப் பேராசிரியராக பொறுப்பேற்று இருக்கும் முதல் திருநங்கையாக ஜொலிக்கிறார் ஜென்ஸி. சமீபத்தில் அவரைத் தமிழக முதல்வர் மு.க.ஸ்டாலின் நேரில் வரவழைத்து பாராட்டி வாழ்த்தியிருக்கிறார்.

தொடக்கக் கல்வியை புதூர் ஊராட்சி ஒன்றிய தொடக்கப்பள்ளியில் முடிச்சேன். அப்புறம், அரசு மேல்நிலைப் பள்ளியில் 12ம் வகுப்பு வரை படிச்சேன். இரண்டாம் வகுப்பு படிக்கும்போதே நான் ஒரு திருநங்கை என்பதை உணர ஆரம்பிச்சிட்டேன். 

இருந்தும் என் குடும்பம் என்னை திட்டினதில்ல. அரவணைப்பாகவே இருந்தாங்க. ஆனா, என்னைச் சுத்தி இருப்பவர்களும், பள்ளிக்குப் போகும் வழியில் பார்ப்பவர்களும் என்னை ரொம்ப கலாய்க்க ஆரம்பிச்சாங்க. ஏளன வார்த்தைகளால் காயப்படுத்தினாங்க.    

அப்பதான் நம்மை குறைவாக பார்ப்பவர்கள் இந்த இடத்துல மட்டும் ப்ளஸ்ஸாக பார்க்கிறாங்களேனு தோணுச்சு. இதுக்குக் காரணம் கல்விதான்னு புரிஞ்சது. அதனால், நான் கல்வியை கச்சிதமாகப் பிடிச்சுக்கிட்டேன்.கல்வி மூலமாகத்தான் நாம் வளர முடியும்னு மனசுல ஆணிவேராக பதிஞ்சது.

பத்தாம் வகுப்பு வரும்போதே இந்திய அளவில் படிப்பில் சிறப்பாக வந்து ஒரு பேராசிரியராக ஆகணும்னு தீர்மானம் பண்ணிட்டேன். அப்போ எந்தத் துறைனு தீர்மானிக்கல. ஆனா, அந்தக் கனவு இன்னைக்கு நிறைவேறியிருக்கு...’’ என்கிற ஜென்ஸி, அதே உற்சாகத்துடன் தொடர்ந்தார்.  

நல்லா படிச்சேன். பிஏ, எம்ஏ, இரண்டிலும் கோல்டு மெடலிஸ்ட்டாக வெளியேறினேன். அப்புறம் இதே கல்லூரியில் எம்ஃபில் பண்ணினேன். பிறகு லயோலா கல்லூரியில் பிஹெச்.டி சேர்ந்தேன்...’’ என்கிறவர், சென்னையில் பல்வேறு சிரமங்களுக்கு மத்தியில் தன்னுடைய வாழ்வாதாரத்திற்காக அறிவிப்பாளராகவும் டியூசன் ஆசிரியராகவும் பணியாற்றி இருக்கிறார்.

இதனால் நான் அரசு விடுதியிலிருந்து கரிமா கிரக் (Garima Greh) என்ற இடத்திற்கு மாறினேன். இது மத்திய அரசின் சமூக நீதி மற்றும் அதிகாரமளித்தல் துறையின் கீழ் வரும் திட்டம். இதன் நோக்கம் திருநங்கைகளின் திறமையை வளர்த்து வேலைவாய்ப்பு ஏற்படுத்திக் கொடுக்கறது. அதனுடைய சென்னை இயக்குனர் ஜீவாம்மானு இருக்காங்க. 

என்னுடைய மாற்றத்திற்குப் பிறகு நான் இங்கே மாறினேன். இதற்கிடையில் லயோலாவில் பிஹெச்.டி கிடைச்சது. ஆங்கிலத் துறைத் தலைவர் டாக்டர் பி.மேரி வித்யா பொற்செல்வி மேடம்தான் என் கைடு.

இதில் என் டாபிக் ‘ஈகோ கிரிட்டிசிஸம்’. அதாவது இயற்கைக்கும், இலக்கியத்திற்கும் உள்ள தொடர்பு பத்தினது. அதில் ஆய்வு செய்து முனைவர் பட்டம் வாங்கினேன்.லயோலாவை என் கோயில்னுதான் சொல்வேன். 

ஏன்னா, அங்க என்னைப்பத்தின புரிதல் எல்லோருக்கும் இருந்தது. இதன்பிறகு, லயோலாவிலேயே எனக்கு உதவிப் பேராசிரியராகவும் வேலை கிடைச்சதுதான் இன்னும் மகிழ்ச்சியைத் தந்தது. இதனால்தான் தமிழக முதல்வர் அவர்கள் என்னை நேரில் அழைத்துப் பாராட்டினார்.