‘ஹேப்பி வெட்டிங்’ படம் மூலம் மலையாள சினிமாவுக்குள் ஹேப்பியாக காலடி எடுத்து வைத்தவர் கிரேஸ் ஆண்டனி. தொடர்ந்து பிஜு மேனன், திலீப், மேத்யூ தாமஸ் உள்ளிட்டோருடன் நடித்தவர், திடீரென ‘கும்பலாங்கி நைட்ஸ்’ படத்தில் கிரே ஷேட் வில்லனாக நடித்த பகத் ஃபாசில் மனைவியாக நடிக்க... பக்கத்து ஸ்டேட் வரை கிரேஸ் புகழ் பரவியது.

மறுவார்த்தை பேசாம ஓகே சொல்லிட்டேன். ராம் சார் படங்களை நான் இதற்கு முன் பார்த்ததில்லை. ஆனால், அவருடைய ‘பேரன்பு’ படம் என்னை இரண்டொரு நாட்கள் மனதளவில் பாதிச்சது. 

அவர் நான் நடிச்ச ‘அப்பன்’ படம் பார்த்துட்டு என்னைத் தேர்வு செய்ததா சொன்னார். கதை, என்னுடைய கேரக்டர் எல்லாமே மலையாளத்தில் மொழி பெயர்ப்பு செய்து எனக்குப் புரிகிற மாதிரி சொன்னார். ராம் சார் என்றதும் நான் கதை கேட்க வேண்டிய அவசியம் கூட இல்லைன்னு நினைச்சேன்.

ஆனால், அவர் செம ப்ரொஃபஷனல். அவ்வளவு டெடிகேஷனா என் கேரக்டரை விளக்கினார். இதுதான் எனக்கான தமிழ் அறிமுகம்னு முடிவு செய்தேன்.

ஒரு தேசிய விருது வாங்கின இயக்குநர்கிட்டருந்து இப்படி ஒரு பாராட்டு. 

இதுக்கு மேல என்ன வேணும்! பெரும்பாலும் கோயம்புத்தூர், பாலக்காடு வட்டாரங்கள்லயே ஷூட்டிங் இருந்துச்சு.என்கிட்ட மலை ஏறணும், ஏரியில் நீந்தணும் அப்படின்னு சொன்னார். சில லொகேஷன்களில் காட்டு யானைகள் வர வாய்ப்பிருந்தது. அதேபோல் இருட்டறதுக்குள்ள கட்டாயமா ஷூட் முடிக்க வேண்டிய சூழ்நிலையிலும் கூட வேலை செய்தோம்.

நான் மட்டுமில்லை... என்னுடன்  நடிச்ச சிவா  உட்பட மெனக்கெட்டு நடிச்சிருக்காங்க. ராம் சார் லொகேஷன் தேர்வுகள் கூட அவ்வளவு தனித்துவமா இருக்கும். அவர் கூட வேலை பார்த்ததை நல்ல பாடமாக பார்க்கறேன். 

மலையாள ரசிகர்கள்கிட்ட ராம் சாருக்கு ஒரு பெரிய மரியாதை உண்டு. சிவா... எனக்குத் தமிழ் சொல்லிக் கொடுத்து என்னை கம்ஃபோர்ட் ஆக்கினதே அவர்தான். செம ஜாலியான பெர்சன். சீக்கிரம் எல்லார் கூடவும் ஃப்ரெண்ட் ஆகிடுவார். அவரால்தான் நான் ஷூட்டிங் ஸ்பாட்டில் எங்கேயும் வேறு ஒரு மொழி சேர்ந்தவ என்கிற எண்ணமே இல்லாம இருந்தேன்.

‘நீ ஒரு ஹீரோயின் என்கிற எண்ணத்தை என்னைக்கு மனசிலே ஏத்திக்கிறியோ, அன்னைக்கு உன்னுடைய திறமை மங்க ஆரம்பிச்சிடும்...’ இது ‘தமாஷா’ (மலையாளம், 2019) பட இயக்குநர் அஸ்ரஃப் ஹம்சா சொன்ன வார்த்தைகள். 

அதைத்தான் நான் ஃபாலோ செய்கிறேன். மம்மூட்டி சார், லால் சார்கிட்டல்லாம் யாரும் எப்பவும் பேசலாம். ரொம்ப எளிமையா இருப்பாங்க. கதைதான் ஹீரோ, அதற்கான கருவிதான் நடிகர்கள் என்கிறதுதான் அவங்க மந்திரம். அதையே தான் நானும் கடைப்பிடிக்கிறேன்.

என்னை நான் எங்கேயும் ஹீரோயினாக பார்த்தது கிடையாது. குறிப்பா உடல் எடை பிரச்னைகள் மலையாள சினிமா உலகத்தில் இல்லை. திறமையைதான் அடையாளப் படுத்துவாங்க.