நீ ஒரு இடியட் னு ராஜமவுலி திட்டிகிட்டே இருக்கார்!

நடிகைகள் வாழ்க்கையில் ஏற்ற இறக்கங்கள் சகஜம். ஆனால், மம்தா மோகன் தாஸ் சந்தித்த தடைகளும், அவர் அதை எதிர்கொண்ட விதமும் இப்போது இருக்கும் நடிகைகளுக்கு மட்டுமல்ல, அத்தனை பெண்களுக்கும் இன்ஸ்பிரேஷன் என்றே சொல்லலாம்.  மலையாளத்தில் டாப் நடிகர்களுடன், அதுவும் கதையின் நாயகியாக வலம் வருகிறார். ‘மகாராஜா’ படத்திற்குப் பிறகு மீண்டும் தமிழில் அடுத்த படம் ‘மை டியர் சிஸ்டர்’. அதில் அந்த அன்புக்குரிய சகோதரி மம்தாதான். 

‘‘மை ஃபேவரிட் நடிகர் விஜய் சேதுபதியுடன் மெயின் லீட், இதோ அடுத்து இன்னொரு படம். என்ன அக்கா, தங்கை பாத்திரம்னு கேட்டாங்க. ஆனால், நான் இந்தக் கதையை தலைப்பில் இருந்தே எனக்கான படமாக பார்த்தேன். ‘மை டியர் சிஸ்டர்’ தலைப்பே எனக்கானதுதானே!’’ முகம் மலரும் சிரிப்பை 20 வருடங்களாக எவ்வித மாற்றமும் இல்லாமல் கொடுக்கிறார் மம்தா மோகன் தாஸ். 

இரண்டு வருடங்கள் எடுத்துக்கிட்டீங்களே, மீண்டும் தமிழில் அடுத்த படம் கொடுக்க?

பொதுவாகவே நான் ரொம்ப செலக்ட்டிவ் பர்சன். எதையும் எடுத்தோம் கவிழ்த்தோம்னு தேர்வு செய்வதில்லை. நிறைய படங்களில் ஹீரோயின் கேரக்டர்... ஒரு பாட்டு மூன்று நான்கு சீன்கள்னு கதை சொன்னாலே கூடுமானவரை அதற்கு அடுத்த கேரக்டரான அக்கா, தங்கை கேரக்டராக இருந்தாலும் பரவாயில்லைனு என்னுடைய ஸ்கிரீன் ஸ்பேஸ் எவ்வளவு இருக்கோ அதைப் பொறுத்துதான் கேரக்டர் தேர்வு செய்வேன். 

நடிச்சா ஹீரோயின்தான் என்கிற கட்டுப்பாடெல்லாம் இல்லை. எனக்கான முக்கியத்துவம் எவ்வளவு இருக்கு... என்னுடைய ஸ்கிரீன் நேரம் எவ்வளவுனு பார்த்துதான் ஒரு படத்தை தேர்வு செய்வேன். மலையாளத்திலேயே நிறையப் படங்கள். அங்கயே பிஸியாகிட்டதால தமிழில் இடைவெளி. தவிர எனக்கான முக்கியத்துவம் இருக்கும் கேரக்டருக்காக காத்திருந்தேன். அதற்கான வாய்ப்பு இப்ப கிடைச்சிருக்கு. 

20 வருடங்கள் சினிமாவில் பயணம்... என்ன கத்துக்கிட்டீங்க?