புதுமுகங்களானாலும் ‘நாங்க’ டீம், பிழைக்கத் தெரிந்த புள்ளைங்கதான். கமல், ரஜினி ஆசீர்வாதம் அவர்களுக்கு மீடியா வெளிச்சத்தையும் கொடுத்திருக்கு. சாதிப்பதற்கு உசுப்பேற்றியும் விட்டிருக்கு!

ஓர் இலங்கைத் தமிழருக்கு உதவி செய்த மு.களஞ்சியத்தை, சீமான் மற்றும் ஆதரவாளர்கள் மிரட்டுவது அநாகரிகமான செயல். ‘தம்மைத் தவிர யாரும் உதவக் கூடாது’ என்று சொன்னால் அது கருணை அல்ல... அதிகாரம்!

ஹாலிவுட் நடிகை எலிசபெத் டெய்லரின் வாசகங்கள் அனைத்தும் மனதைத் ‘தைத்தன’. அழகுப் பதுமையாக மட்டுமே அடையாளப்படுத்தப்பட்ட அவரின் நுட்பமான அறிவு, வியப்பைத் தந்தது!
 

- பி.கம்பர் ஒப்பிலான், சென்னை47.

போதை ஏற்றும் மது ஷாலினியை ‘தாதா’வாக கற்பனை செய்யவே முடியவில்லையே... இப்படியெல்லாம் அதிர்ச்சி கொடுப்பது நியாயமா?

- பா.வெங்கடகிருஷ்ணகுமார்,கோச்சடை. 

அப்பனூத்து கிராமத்தின் ‘சாமி வீடு’ பற்றிப் படித்தேன். அந்த வீட்டுக்குள் மரணமே நேராது என்ற நம்பிக்கையில் நிச்சயம் அமானுஷ்யத்தைத் தாண்டி ஓர் அர்த்தம் இருக்கும்.
 

- சி.டி.பூங்கோதை, விழுப்புரம். 

‘வட இந்தியாவிலிருந்து வேலை தேடிக் கிளம்பறவங்க சர்வ சாதாரணமா பெட்டி, படுக்கையோடு துப்பாக்கியைத் தூக்கிக்கிட்டு கிளம்புறாங்க’ என்ற பகீர் தகவல், இன்னமும் மனதைக் குடைந்து கொண்டிருக்கிறது.
 

- பி.வி.ருக்மணி, சென்னை99.. 

‘விஜயா டீச்சர்’ தொடர்கதை மிக நேர்த்தியாகச் செல்கிறது. முன் அத்தியாயங்களைப் படிக்காத ஒரு சிலரின் ஆதங்கத்தை எப்படித்தான் தெரிந்து கொள்கிறீர்களோ! முன்கதைச் சுருக்கம் போட்டு அசத்தி விட்டீர்கள்.
 

‘சென்னை 28’க்குப் பிறகு பல படங்களில் நடித்திருக்கும் நிதின் சத்யா, ‘சென்னை 28’ டீமுடன் போட்ட அக்ரிமென்ட்டை மீறாதிருப்பது வாவ்! அதற்காக அஜித் படத்தை இழந்திருப்பதும் ஆச்சரியமே. அந்த அக்ரிமென்ட் பலிக்க வாழ்த்துக்கள்!
 

-எஸ்.டி.ரேவதி ஸ்ரீனிவாசன், கரூர். .
 

வாரா வாரம் வெளியாகும் ‘வலைப்பேச்சு’ கமென்ட் ஒவ்வொன்றும் நச்! படித்தோம்; ரசித்தோம்; சிரித்தோம்.
 

- டி.கணபதி ராவ்,புதுச்சேரி.