‘‘இன்ஸ்பெக்டர் கூகுள்ல என்ன
தேடறார்..?’’
‘‘நமக்கு மாமூல் கொடுத்தது போக மீதி பணத்தை கபாலி எங்கே பதுக்கி வச்சிருக்கான்னுதான்..!’’

‘‘என்னய்யா இது... சாதா கோச்சுக்கு டிக்கெட் வாங்கிட்டு ஏசி கோச்சுல ஏறி இருக்கே..?’’
‘‘வேணும்னா ஏசியை ஆஃப் பண்ணிடுங்க சார்..!’’

‘‘தலைவர் எப்பவும் சரக்கு ஞாபகத்துலயே இருக்காருன்னு எப்படிச் சொல்ற..?’’
‘‘பாசனத்துக்காக அணையிலிருந்து தண்ணீரைத் திறந்து விட்டுட்டு, அது பொங்கி வர்றதைப் பார்த்ததும் ‘சியர்ஸ்’னு
கத்திட்டாரே..!’’

என்னதான் சிகரெட் வெள்ளை கலர்ல இருந்தாலும், அதை சிக‘ரெட்’னுதான் சொல்ல முடியும்; சிக‘வொயிட்’னு சொல்ல முடியாது.
- தம¢ அடித்துக்கொண்டே
தத்துவம் சொல்வோர் சங்கம்

கண் டாக்டர் ‘பார்வை நேரம்’னு போர்டு போடலாம்... அதுக்காக காது டாக்டர் ‘கேட்கும் நேரம்’னு போர்டு போட முடியுமா..?
- காதுவலியோடு தத்துவங்களை காதுகொடுத்துக் கேட்போர் சங்கம்

பணக்கட்டுக்கு ரப்பர் பேண்ட் போடலாம்; பவர்கட்டுக்கு ரப்பர் பேண்ட் மட்டுமில்லை... சாதா பேண்ட் கூட போட முடியாது!
- வெயிலுக்கு இதமாக வேட்டி மட்டும் கட்டுவோர் சங்கம்.


‘’ஏன் கபாலி!
திருடுற வீடுகள்ல ஆட்களை எழுப்பி ரொம்ப திட்டறியாமே..?’’

‘‘தங்கம் இந்த விலை விற்கும்போது வீட்ல இவ்வளவு ஸ்டாக் வைக்கணுமான்னு சத்தம் போடுறது தப்பா ஏட்டய்யா?’’