‘நமக்கானதை ஆண்டவன் எப்போதோ எழுதி வச்சிட்டான். அதுதான் கிடைக்கும்’ என்கிற சாயா சிங்கின் தத்துவ மழை செம சர்ப்ரைஸ்! இந்தத் தெளிவுதான் அவரை குத்துப் பாட்டுக்கு ஓகே சொல்ல வைத்திருக்கிறதோ!
*  பேச்சியம்மாள் மந்திரமூர்த்தி, புதுச்சத்திரம்.

‘ஸ்கூபா டைவிங்’ செய்து ஆழ்கடலில் மீன்கள், டால்பின்களோடு நீந்திய த்ரிஷா, யார் மனதுக்குள் நீந்துகிறார் என்பதை
மட்டும் சொல்ல மாட்டேங்கறாரே!
*  த்ரிஷாதாசன், புதுச்சேரி.

நம்பிக்கைதான் எதிர்காலத்துக்கு மூல
தனம்! ஆணாதிக்கம் மிகுந்த தமிழ் சினிமா பாடலாசிரியர்கள் மத்தியில் ‘வல்லின’மாகக் களமிறங்கும் பார்வதிக்கு எங்கள் வாழ்த்துகள்!
*  முத்தையா தம்பி, மஞ்சக்குப்பம்.

எல்லாவற்றுக்கும் நறுக் நறுக் என்று பதில் தரும் ஆர்யா, ‘நயன்தாராவை கல்யாணம் பண்ணிக்கப்போறீங்களா?’ என்ற கேள்விக்கு மட்டும் சுத்தி வளைச்சி மழுப்பலா பதில் தந்திருக்கிறாரே... இதுல
என்னவோ இருக்கு ‘பார்யா’!
*  எஸ்.மலையப்பன், மதுரை.

ஊடகங்களின் ராஜ உபசாரத்தில் திக்குமுக்காடும் ‘பரதேசி’யில் சிறுசிறு குறைகளையும் சுட்டிக் காட்டி, மண்ணையும் அதன் மக்களையும் பேசும் மகத்தான படமென்று பாராட்டியமைக்கு பாராட்டுக்கள்!
*  தி.தெ.மணிவண்ணன், அங்கலக்குறிச்சி.

அப்பாடா, ‘விஸ்வரூபம் 2’வின் கதையை எந்தப் பிரச்னையும் இல்லாம எங்களுக்கு ரிலீஸ் பண்ணிட்டீங்க. படம்
எப்படி ரிலீஸ் ஆகுமோ!
*  இரா.ரமேஷ்பாபு, விருத்தாசலம்*  1.

‘தோசை சுடவும் வந்தாச்சு மெஷின்!’ *   படித்தபோது முழுமையாக மகிழ முடியவில்லை. ‘தோசையம்மா தோசை... அம்மா சுட்ட தோசை...’ என்பது போய் இனி மெஷின் சுட்ட தோசையாகிவிடும். இது நல்லதா என்ன?
*  இ.பசரியா, திருச்சி.

இந்த நவீன யுகத்தில் இன்னும் கற்கால வாழ்வே வாழ்ந்து கொண்டிருக்கும் ‘தேன்கூடு’ கிராமத்தினரின் நிலை, கலங்க வைக்கிறது. இதெல்லாம் அரசாங்கத்தின் பார்வையில் விழுந்தால் சரி!
*  எஸ்.கோபாலன், நங்கநல்லூர்.

‘தமிழகப் போராட்டங்களை இலங்கைத் தமிழர்கள் பெரிதாக நம்பிவிடக் கூடாது’ என்ற மனுஷ்ய புத்திரனின் கூற்று, நகைச்சுவை பூசிய நிஜம்! தலைப்புச் செய்திகளுக்கேற்ப மாறுவது தமிழர்களுக்குப் புதிதா என்ன?
*  எஸ்.பிரசன்னகுமார், வேலூர்.

உலகப் புகழ் கூகுள் நிறுவனத்தில் ‘ஆண்ட்ராய்டு’ பிரிவுக்கு சுந்தர் பிச்சை என்ற தமிழர், தலைவரானது நமக்கெல்லாம் பெருமிதச் செய்தி. அவரைப் பார்த்து, ‘தமிழா... தமிழா... நாளை நம் நாளே’ என்றே பாடத் தோன்றியது!
*  கே.மணிமேகலை, வந்தவாசி.

(இதழுடன் வழங்கப்படும் இலவசப் பொருட்கள் குறிப்பிட்ட சில பகுதிகளில் மட்டுமே கிடைக்கும்.)