‘‘தலைவருக்கு கம்ப்யூட்டர் அறிவே இல்லேன்னு எப்படிச் சொல்றே..?’’
‘‘கம்ப்யூட்டர்ல இருக்கிற பைல்களை தூசி தட்டி வைக்கச் சொல்லி வேலைக்காரன் கிட்ட உத்தரவு போடறாரே!’’

‘‘கட்சியின் வளர்ச்சிக்காக எதையும் செய்யத் தயார்னு சொன்னது தப்பாப் போச்சா... ஏன் தலைவரே?’’
‘‘ராஜினாமா பண்ணச் சொல்றாங்கய்யா..!’’

‘‘நிச்சயமா அவர் போலி டாக்டர்தான்னு எப்படி அவ்வளவு உறுதியாச் சொல்றே..?’’
‘‘உங்களுக்கு கவுன்சிலிங் கொடுக்கணும்னா, உங்க ஏரியா கவுன்சிலரை கூட்டிக்கிட்டு வாங்கன்னு சொல்றாரே!’’

‘‘தலைவருக்கு தண்ணி வாங்கித் தந்து போலீஸ்காரங்க உண்மையை கக்க வச்சுட்டாங்களாம்...’’
‘‘அடப்பாவி... குறுக்கு விசாரணை பண்றதா சொல்லி, சரக்கு விசாரணை பண்ணிட்டாங்களா?’’

‘‘எனக்கு ஸ்வீட்னா ரொம்பப் பிடிக்கும் டாக்டர்...’’
‘‘உங்க கடைசி ஆசையை இப்பவே சொல்லக் கூடாது. ஆபரேஷன் தியேட்டருக்குள்ள போகும்போது சொல்லுங்க, போதும்!’’

‘‘தலைவர் பண்றது
கொஞ்சம் கூட சரியில்லே...’’
‘‘ஏன்... என்ன செய்தார்?’’
‘‘அவரோட உருவ பொம்மையைக் கொளுத்தினதுக்குப் போய், கட்சிக் கொடியை அரைக்கம்பத்துல பறக்க விடச் சொல்றாரே!’’

இரும்புப்பெட்டியை இரும்புல செய்வாங்க; மரப்பெட்டியை மரத்துல செய்வாங்க. அப்ப தீப்பெட்டியை தீயிலயா செய்வாங்க?
- எந்தப் பக்கம் உரசுனாலும்
சொரணையின்றி திரிவோர் சங்கம்