காலை வளைத்துக் கொண்ட நிலையில், காலில் ஒரு போடுபோட்ட அந்த நாகம் ஒரு கட்டத்தில் நழுவி விழுந்திட, சதீஷ் காலை உதறிக் கொண்டு ஓடிப்போய் சாலையோரமாகக் கட்டப்பட்ட தடுப்புச் சுவர்மேல் உட்கார்ந்தான்.முற்றுமாய் தோன்றிய அந்த மாலை நேர முடிவிலான இருளில் அவனைக் கடித்த கருநாகமும் எங்கோ ஓடி மறைந்து விட்டிருந்தது.

“அதோ ஏதோ ஒரு வண்டி வருது பார்... ரோட்ல நின்னு மறி.

எனக்கு வாந்தியும் மயக்கமும் வர்ற மாதிரி இருக்குது. உன்னை நான் காருக்குள்ள ஏத்திக்கிட்டு வந்ததே தப்பு... போ... போ... மறி...”சதீஷ் அலறினான். போதிமுத்துவும் தார்ச்சாலை நடுவில் நின்று வரும் வண்டியைத் தடுத்து நிறுத்தப் பார்த்தான். கிட்டே வரவும் கிறீச்சிட்டு நின்றது ஒரு கார். உள்ளே இருந்து ஒரு உருவம் இறங்கி வந்தது.

“கீழஇருந்து கார்ல வந்துகிட்டிருந்தோங்க... அவசரமா ஒண்ணுக்கிருக்கணும்னு சொல்லி இறங்கினாருங்க... அப்ப பூச்சியை மிதிச்சிட்டாரு போல இருக்குங்க... அதான் கடிச்சிருச்சாட்டம் இருக்கு... பேச நேரமில்லங்க...” என்று போதிமுத்து, சதீஷ் உடல் அருகே நெருங்கினான்.

கணேசனும் சென்றான். புத்திசாலித்தனமாய் செல் டார்ச்சை அடித்துப் பார்த்தபோது வாயில் நுரை ததும்பிக் கொண்டிருந்தது.“அடடா... நுரை தட்டிருச்சே...”

“ஏய் சதீஷ்... என்னய்யா பண்றே..? அஞ்சு நிமிசத்துல வந்துடுவேன்னே... இருவது நிமிசமாச்சு... இன்னும் காணோம்...”

சரி நான் இப்ப என்ன பண்ணட்டும்... டாக்டர்கிட்ட போனாலும் பிரயோஜனம் இல்லங்கற மாதிரிதான் தெரியுது...”

அப்போது கணேசன் மேல் கற்றையாக ஒரு வாகன வெளிச்சம் பட்டு அந்த வாகனமும் அருகில் வந்து நின்றது.அது ஒரு போலீஸ் ஜீப்! உள்ளே இருந்து கம்பீரமான காக்கி உடுப்பில் எஸ்.ஐ. சாமிக்கண்ணு இறங்கி வந்தார்!கணேசனைப் பார்த்தவர் “என்ன சார்... இங்க இருட்டுல நின்னு பேசிக்கிட்டிருக்கீங்க..?” என்றும் கேட்டார்.

அசோகமித்திரன் தன் வாழ்நாளில் சித்த வைத்தியம் பற்றி கேள்விப்பட்டிருக்கிறார் - ஆனால், அவரது நகரத்து வாழ்வில் அதை உணர வாய்ப்பே இல்லாமல் போய் விட்டது. இப்போது அதை உணர ஒரு சந்தர்ப்பம் வாய்த்திருப்பது போல் அவருக்குத் தோன்றியது.தேசிகர் காத்திருந்த நோயாளிகளைப் பார்த்து அவர்களுக்கு மருந்தைக் கொடுத்துவிட்டு மெல்ல கனபாடிகளிடம் வந்தார்.

“இவர் பேர் அசோகமித்திரன்... பெரிய ஆராய்ச்சியாளர்! குறிப்பா நம்ம சமயம், அதோட நம்பிக்கைகள் இவைகளை ஆராய்ந்து புத்தகம் எழுதப் போறார்.

ஏன்னா பாம்புகளை யாரும் பழக்க வழக்கத்துக்கு ஆட்படுத்த முடியாது. ‘பசி உணர்வு, தற்காப்புணர்வு, புணருணர்வுங்கற’ மூணுதான் அதுகிட்ட பிரதானம். மற்ற விஷயங்களுக்கான அறிவு அதுக்கு கிடையாதுங்கறதுதான் நாம் அறிஞ்ச விஷயம். அப்படி இருக்க எப்படி இந்த பாம்பு மட்டும் எல்லா தெய்வங்களோடயும் சம்பந்தப்பட்டிருக்குங்கறது இவரோட பிரதான கேள்வி.