‘‘கேமரா முன்னாடியும், கேரக்டருக்கும் நேர்மையா இருக்கணும்... இதுதான் சிம்பு சார் எனக்கு சொல்லிக் கொடுத்த பாடம்...’’ கொஞ்சம் தமிழ், கொஞ்சம் வெட்கத்துடன் கன்னங்களில் பளிச்சென குழி விழ சிரிக்கிறார் ‘வெந்து தணிந்தது காடு’ சித்தி இத்னானி.முத்துவின் பாவை... எப்படி இந்த வாய்ப்பு கிடைச்சது? சசி சார் டைரக்‌ஷன்ல ‘100 கோடி வானவில்’ படம் முடிச்சிட்டு அடுத்து என்ன செய்யலாம்னு யோசிக்கிறதுக்குள்ள கொரோனா ஊரடங்கு வந்திடுச்சு. நானும் அடுத்து என்ன செய்யறதுன்னு தெரியாம வீட்டுக்குள்ள அடங்கிட்டேன்.

அப்பதான் ‘பத்து தல’ படத்தின் டைரக்டர் கிருஷ்ணா சார் என்னுடைய மேனேஜர் அருண்கிட்ட கௌதம் மேனன் சார் அவருடைய அடுத்த படத்துக்கு ஹீரோயின் தேடுறதா தகவல் சொன்னார். காலைல நாலு மணிக்கு ஃபிளைட் பிடிச்சு சென்னை வந்தேன்.

கௌதம் சார் ஹயாத் ரெசிடென்சியில் ஷூட்டிங்கில் இருக்கார்னு சொன்னாங்க. சரி நிச்சயமா ஆடிஷனா இருக்கும்னு நினைச்சு அங்க போனேன். என்ன பார்த்த உடனேயே கெளதம் சார் ‘ஹலோ நான் கௌதம் மேனன்...’னு அறிமுகம் செய்துட்டு ஒரு புளூ கலர் புடவை கொடுத்தாங்க. இது ஏதோ லுக் டெஸ்ட், ஆடிஷனா இருக்கும்னு நினைச்சு புடவை கட்டிட்டு வந்தேன்.

கொஞ்ச நேரத்துல சிம்பு சாரும் அங்க வந்தார். அவர பார்த்ததுமே ‘கங்ராஜுலேசன் ஃபார் ‘மாநாடு’ சக்சஸ்’னு சொன்னேன். சிரிச்சார். அப்புறம் எங்க ரெண்டு பேரை வைச்சு ஒரு சீன் ஷூட் செய்தாங்க.  இந்தப் படத்துல நான் இருக்கேனா, இல்லையா, திரும்ப எப்ப வரணும்... இப்படி நிறைய கேள்விகள். கௌதம் சார்கிட்ட போய் கேட்டேன்.

‘நான் இந்த படத்துல இருக்கேனா’னு கேட்டேன். ஒரு நிமிஷம் என்னை நிமிர்ந்து பார்த்தவர் ‘சிம்பு கூட ஒரு சீன் முடிச்சிட்டோம்’னு சொன்னார். ‘அது லுக் டெஸ்ட்னு நினைச்சேன்’னு சொன்னேன். அதுக்கு கௌதம் சார் ‘ஆர் யூ மேட்... சிம்பு கூடவா லுக் டெஸ்ட் எடுப்பாங்க’ன்னு கேட்டார்.

நிச்சயமா. கௌதம் மேனன் சார் படத்தில் வருகிற ஹீரோயின் சும்மா வந்தாங்க, ஒரு டான்ஸ் ஆடினாங்கனு இருக்க மாட்டாங்க.

பாடி லாங்வேஜ் முதற்கொண்டு முழுசாமாறணும். பெரும்பாலும் கெளதம் மேனன் சாருடைய ஹீரோயின்ஸ் ரொம்ப அமைதியா, கொஞ்சம் அறிவா, அதேசமயம் அழகா ஸ்கிரீன்ல தெரிவாங்க. குறிப்பா நேச்சுரலா இருப்பாங்க. எனக்குத் தெரிஞ்சு இதுவரைக்கும் கௌதம் மேனன் சார் ஹீரோயின்ஸ் அத்தனை பேரும் ஒரே நைட்ல செம ஃபேமஸ் ஆகி யிருக்காங்க. அப்படி இருக்கும்போது இந்த படம் என்னுடைய கரியர்ல ரொம்ப முக்கியமான படம்.