சன் டிவியில் வெற்றிநடை போட்டுக் கொண்டிருக்கும் ‘எதிர்நீச்சல்’ சீரியலின் நாயகி ஜனனி. அப்பாவின் பேச்சையே சாசனமாக மதித்து புகுந்தவீட்டில் அத்தனை கஷ்டங்களை அனுபவித்து, பிறகு அதை தைரியமாக எதிர்கொள்ளும் ஜனனி கேரக்டரை அவ்வளவு நம்பிக்கையாக ரசித்து பார்க்கின்றனர் பார்வையாளர்கள்.

ரசிகர்களின் ஏகோபித்த ஆதரவைப் பெற்றிருக்கும் நம் ஜனனியின் நிஜப்பெயர் மதுமிதா ஹெச். தொடரின் பெயரைப் போலவே சின்னத்திரைக்குள்ளும் எதிர்நீச்சல் போட்டே என்ட்ரியானவர். ஷூட்டிங்கில் ஆதிகுணசேகரனை ஹாட்டாக எதிர்கொண்டு வந்தவரை கூலாக எதிர்கொண்டோம்.

‘‘பிறந்து வளர்ந்ததெல்லாம் பெங்களூர்ல. பி.காம் படிச்சிருக்கேன். நடிப்பிற்காக சென்னை, ஹைதராபாத்னு அலைஞ்சிட்டு இப்ப முழுவதும் சென்னையில் இருக்கேன். அப்பா ஹிரண்யா. கார்மென்ட்ஸ்ல மானேஜரா இருந்து ஓய்வு பெற்றுட்டார். அம்மா பாரிஜாதம், ஒரு கார்மென்ட்ஸ்ல மானேஜர் பொறுப்புல இருக்காங்க. ஒரு அக்கா, ஒரு தங்கச்சி. இதுதான் என் குடும்பம்.

அடுத்ததா, ‘சனி’னு புராண சீரியல்ல வாய்ப்பு வந்தது.

அப்புறம், சன் நெட்வொர்க்கின் உதயாவுல ‘ஜெய் ஹனுமான்’ சீரியல்ல லட்சுமி கேரக்டர் பண்ணினேன். அப்புறம், தெலுங்குல ஆஃபர் வந்தது. பிறகுதான் தமிழ்நாடு பக்கம் வந்தேன். இங்க ‘பிரியாத வரம் வேண்டும்’தான் என் முதல் சீரியல். அதுல லீட் ரோல் பண்ணினேன். அதேநேரம், தெலுங்குல ‘நம்பர் ஒன் கோடலு’ ஒரு சீரியல் கிடைச்சது. அதையும் செய்தேன். அது நல்லா ரீச்சாகி பெயர் கிடைச்சது.

எங்க போனாலும், ‘என்னங்க உங்கள அப்படி டார்ச்சர் பண்றாங்க. எப்படி தாங்கிக்கிறீங்க’னு கேட்குறாங்க. நிஜம்னு நினைச்சே பேசுவாங்க.

கேரக்டர்னு சொல்லி புரிய வைக்கிறதுக்குள்ள போதும்போதும்னு ஆகிடுது.  சமீபத்துல என் அப்பாவின் ஊரான சிக்மகளூர் போனேன். அங்குள்ள மக்கள், தமிழ் சீரியல்லாம் பார்ப்பாங்கனு நான் நினைக்கவே இல்ல. என் வீட்டுக்கு வந்தவங்க, என்னைப் பார்த்து, ‘என்னம்மா இப்படி அமைதியா இருக்கீங்க’னு கேட்டாங்க.