சேலத்திலிருந்து சினிமாத்துறைக்கு வந்த ஜாம்பவான்கள் பலர். அந்த வரிசையில் இந்தத் தலைமுறையைச் சேர்ந்த கார்த்திக் ஹர்ஷா, ‘3.6.9’ படத்தின் மூலம் இசையமைப்பாளராக அறிமுகமாகியிருக்கிறார். இந்தப் படத்தின் ஹீரோவாக நடிகரும் இயக்குநருமான கே.பாக்யராஜ் நடிக்க, அறிமுக இயக்குநர் சிவ மாதவ் இயக்கியிருக்கிறார்.

‘‘ரொம்ப சந்தோஷமா இருக்கு. என் இசையமைப்பில் வெளியாகவுள்ள முதல் படம் இது. முதல்ல பின்னணி இசைக்காகவே கூப்பிட்டாங்க. பிறகு மேக்கிங் மியூசிக், தீம் மியூசிக்னு மெல்ல பிக்அப்பாகி பாடல்கள் பண்ணினேன்.

இது சயின்ஸ் ஃபிக்‌ஷன் ஜர்னர் மூவி. அதுக்கேற்ப இசையமைச்சிருக்கேன்...’’ என உற்சாகமாகச் சொல்கிறார் கார்த்திக் ஹர்ஷா.‘‘நான் பிறந்து வளர்ந்ததெல்லாம் சேலம். அப்பா டாக்டர். அம்மா ஹவுஸ் வொய்ஃப். ஒரு தம்பி இருக்கான். நான் அங்க ஸ்கூல் முடிச்சவுடன் மியூசிக் படிக்கணும்னு ஆசைப்பட்டேன்.

எம்.க்கும் வேலைக்காக விண்ணப்பிச்சேன். பாண்டிச்சேரியில் ஒரு தனியார் எஃப்.எம்.மில் வேலைக்கு ஆஃபர் வந்தது. அடுத்த நொடியே சூரியன் எஃப்எம்ல இருந்தும் ஆஃபர். நான் சூரியன் எஃப்எம்மை தேர்ந்தெடுத்தேன். அங்கே ஒருமாசமே வேலை செய்தேன். பிறகு கோயமுத்தூருக்கு மாற்றினாங்க.

அங்க பகுதி நேரமா ஜிங்கிள் விளம்பரம் செய்ய ஆரம்பிச்சேன். நிறைய ஆல்பம் பண்ணினேன். அங்கிருந்து என் சினிமா பயணமும் தொடங்குச்சு...’’ என்கிறவர், சிரித்தபடி தொடர்ந்தார்.‘‘ஆறு குறும்படங்களுக்கு மியூசிக் பண்ணி விருதுகள் வாங்கினேன். நான் வொர்க் பண்ணின என்னுடைய ‘முள்ளின் நிழலும் குத்திற்று’ என்ற குறும்படம் லண்டன் ஃபிலிம்பேர்ல வெளியிட்டாங்க.

திருமணத்தையொட்டி சேலத்திற்கு வந்தப்பதான் புரொடியூசர் பிஜிஎஸ் சார் எனக்கு ‘லிவிங் டுகெதர்’ என்ற படத்தை இசையமைக்க கொடுத்தார். நானும் இசையமைத்து டியூன் கொடுத்தேன். அந்நேரம் கொரோனா வந்திடுச்சு. பிறகு அதே பிஜிஎஸ் சார் என்னை நம்பி மறுபடியும் கொடுத்த படம்தான் ‘3.6.9’. இதன் இயக்குநர் சிவமாதவ் சாரும் நம்பிக்கை கொடுத்தார்.