தங்க மகன்!

வேறு யார், நீரஜ் சோப்ராதான்! இரண்டு ஆண்டுகளாக அமைதியாக இருந்தவர், இப்பொழுது மீண்டும் களத்தில் இறங்கி வெற்றி வாகை சூடிவருகிறார்.யெஸ். முதல் சுற்றில் Foul செய்த நீரஜ் சோப்ரா, இரண்டாவது சுற்றில் 83.45 மீட்டர் தூரம் ஈட்டியை எறிந்து மூன்றாவது இடத்தை பிடித்திருந்தார். ஆனால், மூன்றாவது சுற்றில் நீரஜ் சோப்ரா தன்னுடைய சிறந்த செயல்பாட்டை வெளிப்படுத்தி 85.29 மீட்டர் தூரத்தை வீசினார்.

இதேபோன்று நான்காவது சுற்றில் 82.17 மீட்டரும், ஐந்தாவது சுற்றில் 81.01 மீட்டர் தூரமும் வீசி யிருந்தார்.இந்தப் போட்டியில் 85 மீட்டரைக் கடந்து வீசிய ஒரே வீரர் நீரஜ் சோப்ரா மட்டும்தான். இதனால் அவர் முதலிடம் பிடித்தார்.