ஆண்கள் நிஜமாகவே பாவம் சார்!

‘‘எவ்வளவு முயற்சி பண்ணியும் உங்களுக்கு ஆண் குழந்தைதான் பிறந்திருக்கு... போயும் போயும் ஆம்பள பிள்ளையா பிறந்துட்டியேடா..?’’

இப்படியான வசனங்களுடன் ஆண்களுக்கான குரல் கொடுத்தது முதல் டீசர். தற்போது மொத்த படமும் ஆண்களின் பிரச்னையை பேசும் என்கிறார் ‘ஆண் பாவம் பொல்லாதது’ படம் மூலம் இயக்குநராக அறிமுகமாகும் கலையரசன் தங்கவேல்.

ஆண் பாவம் தெரியும்... ஏன் அது பொல்லாதது?

ஓர் இளைஞர் திருமணத்துக்கு எவ்வளவு கஷ்டப்படுகிறார் என்பதுதான் அந்த ‘ஆண் பாவம்’ படம். அந்தக் கல்யாணத்துக்கு அப்புறம் எவ்வளவு கஷ்டப்படுகிறான் என்கிறதுதான் இந்த ‘ஆண்பாவம் பொல்லாதது’. என்னுடைய நண்பர்தான் சிவக்குமார் முருகேசன். இப்போ எஸ்கே ப்ரொடக்‌ஷனில் ‘தாய்க்கிழவி’ படத்தை இயக்கி முடிச்சிருக்கார்.