கத்தார் தேசத்திலிருந்து கோடம்பாக்கத்துக்கு சினிமா கனவுகளுடன் வந்தவர் ரக்‌ஷனா. ‘மார்கழி திங்கள்’ படத்தில் அறிமுகமானார். தற்போது ‘மருதம்’ வெளியாகியுள்ளது. அடுத்து ‘திரெளபதி 2’. 

ஸ்கிரிப்ட் ரெடியாகும் சமயத்தில் நானும் கலந்துகொள்வேன். இதுவரை நடித்த மூன்று படங்களிலும் அப்படியொரு வாய்ப்பு கிடைத்தது. ‘மருதம்’ படத்தில் அம்மாவாக நடித்தது கொஞ்சம் சவாலாக இருந்துச்சு. ஏனெனில் நான் என்னுடைய அம்மாவைப் பார்த்துதான் வளர்ந்துள்ளேன். மற்ற அம்மாக்கள் எப்படி யோசிக்கிறார்கள், பிள்ளை வளர்ப்பு எப்படி இருக்கும் என்று தெரியாது. 

அதையெல்லாம் அப்சர்வ் பண்ணினேன். ‘மார்கழி திங்கள்’ படத்தில் கேரக்டர் தன்மையை குறித்து நோட்ஸ் எழுதியிருந்தார்கள். நானும் கேரக்டருடைய ஸ்கெட்ச் எப்படி இருக்கும் என்று தெளிவாகக் கேட்டுத் தெரிந்துகொண்டேன். அடிப்படையில் நான் தியேட்டர் ஆர்ட்டிஸ்ட் என்பதால் இந்த மாதிரி பயிற்சியை ஃபாலோ பண்ண முடிகிறது.

ஒரு படத்தை ரிலீஸ் செய்த பிறகு என்னுடைய நடிப்பு பற்றி என்ன சொல்லப்போகிறார்கள் என்று ஆர்வமாக இருக்கும். மறக்க முடியாதது என்றால் ‘மார்கழி திங்கள்’ படத்தில் எனக்கும் பாரதிராஜா சாருக்கும்தான் க்ளைமாக்ஸ் காட்சி வைத்திருப்பார்கள். டப்பிங் சமயத்தில் பாரதிராஜா சாரிடமிருந்து அழைப்பு. 

‘எங்கே இருக்கிறீங்க, வரமுடியுமா’ என்று கேட்டார். ‘இன்னொரு படப்பிடிப்பில் இருக்கிறேன்’ என்று சொன்னேன். ‘நீ எங்கே இருந்தாலும் பரவாயில்லை. லொகேஷன் அனுப்பு, நான் வர்றேன்’னு என்னைத் தேடி வந்து, ‘க்ளைமாக்ஸ் காட்சியில் அற்புதமாக பண்ணியிருக்க, சான்ஸே இல்லை’ என்று பாராட்டினார்.