மேக்கப்பில்லாமல் பெண்கள் இல்லை. அந்தளவுக்கு ஊனுடனும் உடலுடனும் அரிதாரம் பூசிக் கொள்வது கலந்துவிட்டது.

ஆனால், இது ஆடம்பரமானதல்ல என்ற எண்ணம் நீக்கமற நிறைந்திருப்பதுதான் இதில் முக்கியமான விஷயம்.யெஸ். பெண்களுக்கு மேக்கப் என்பது அத்தியாவசியத் தேவையாக மாறிவிட்டது. அதிகப்படியாக இல்லையென்றாலும், ஃபவுண்டேஷன், கண் மை. லிப்ஸ்டிக் இல்லாமல் இன்று பெண்கள் வீட்டை விட்டு வெளியே செல்வதில்லை.

ஆனால், மேக்கப்பால் குறிப்பிட்ட நேரம் மட்டுமே சருமத்தை பளபளப்பாக வைத்திருக்கமுடியும். 

அப்போதுதான் அழகியல் பற்றி தெரிய வந்தது. நான் ஏற்கனவே அழகுக் கலை பயின்றிருந்ததால், அழகியல் குறித்தும் தெரிந்துகொள்ள வேண்டும் என்ற ஆர்வம் ஏற்பட்டு அமெரிக்கன் இன்ஸ்டிட்யூட்டில் டிரைக்காலஜி மற்றும் காஸ்மெட்டாலஜியில் ஃபெல்லோஷிப் செய்தேன்; பெர்மனென்ட் மேக்கப் குறித்தும் கற்றுக் கொண்டேன். 

அப்படி நான் கற்றுக்கொண்டதை மற்றவர்களுக்கு தரமான முறையில் சொல்லித்தர விரும்பினேன். அதன் விளைவாகத்தான் அழகியல் பயிற்சி மையத்தினை துவங்கினேன்...” என்றவர் தன் பயிற்சி மையத்தில் அளிக்கப்படும் பயிற்சிகள் குறித்து விவரித்தார்.

‘‘அழகியல் பயிற்சியினை மெடிக்கல், பாராமெடிக்கல் மற்றும் நான் மெடிக்கல் என மூன்று பிரிவுகளாகப் பிரித்து பயிற்சி அளிக்கிறோம். மெடிக்கல் பிரிவில் எம்பிபிஎஸ், சித்தா, ஆயுர்வேதம், யுனானி, எம்.டி.எஸ் மருத்துவர்கள் மட்டும்தான் பயிற்சி பெறமுடியும். 

இதில் ஏஸ்தெடிக் மெடிசன், ஏஸ்தெடிக் காஸ்மெட்டாலஜி, பெர்மனென்ட் மேக்கப் இன் காஸ்மெட்டாலஜி, கிளினிக்கல் காஸ்மெட்டாலஜி, டிரைக்காலஜி ஃபெல்லோஷிப் மற்றும் கிளினிக்கல் காஸ்மெட்டாலஜி மற்றும் டிரைக்காலஜியில் முதுகலை டிப்ளமோ பயிற்சிகள் அளிக்கிறோம்.

பாராமெடிக்கல் பிரிவில் காஸ்மெட்டாலஜியில் ஃபெல்லோஷிப், டிரைக்காலஜி, கிளினிக்கல் காஸ்மெட்டாலஜி மற்றும் பெர்மனென்ட் மேக்கப்பில் அட்வான்ஸ்ட் டிப்ளமோவும்; பெர்மனென்ட் மேக்கப் காஸ்மெட்டாலஜியில் முதுகலைப் பட்டப்படிப்பும் பெறலாம். இந்தப் பயிற்சியினை லேப் டெக்னீஷியன், செவிலியர்கள், இயன்முறை மருத்துவர்கள், மருந்தாளர்கள் மேற்கொள்ளலாம். 

ஒவ்வொருவருக்கும் ஏற்ப தனிப்பட்ட பாடங்களை பின்பற்றுகிறோம். பயிற்சிக்குப் பிறகு எழுத்து மற்றும் நடைமுறைத் தேர்வும் உண்டு. மாணவர்களுக்கு சிகிச்சைக்கான இயந்திரங்களை முறையாகக் கையாளும் பயிற்சியினை அளித்து அவர்களை முழுமையான அழகியல் நிபுணராக உருவாக்குகிறோம்.

பொதுவாக பெண்கள் வெளியே செல்லும் போது மேக்கப் இல்லாமல் செல்வதில்லை. அதிகம் இல்லையென்றாலும், காம்பாக்ட் பவுடர், புருவ திருத்தம் மற்றும் லிப்ஸ்டிக் போட்டுக் கொள்கிறார்கள். இவை முகம் கழுவியதும் நீங்கிவிடும். முகம் கழுவினாலும் சருமம் பளிச்சென்றும், புதுப்பொலிவுடனும் இருக்கச் செய்வதுதான் பெர்மனென்ட் மேக்கப். 

ஏற்கனவே உள்ள புருவங்களுக்கு இடையே பிக்மென்டேஷனை நிரப்பும்போது பார்க்க அடர்த்தியாக இருக்கும். ஐப்ரோவிற்கு மை தீட்ட வேண்டும் என்ற அவசியமில்லை. புருவங்களுக்கு இடையே சிகிச்சைகளை மேற்கொள்வதால், ஏற்கனவே இருக்கும் புருவ அமைப்பினை பாதிக்காது.

இன்று பலரும் கொரியன் சருமம் போன்று வழவழப்பாகவும், பளபளப்பாகவும் தங்களின் சருமம் இருக்க வேண்டும் என்று நினைக்கிறார்கள். அவர்களின் சரும அமைப்பு போல் நம்முடையது இருக்காது என்றாலும், நம் சருமத்தை இளமையாகவும், பள

பிபி க்ளோ செய்துகொண்டால் மேக்கப் போடுவதற்கான அவசியம் இருக்காது. நம் சரும நிறத்திற்கு ஏற்ப தாவரங்கள் கொண்டு தயாரித்த பிக்மென்டேஷனை ஊசிகள் கொண்டு சருமத்தில் செலுத்துவோம். 

அவை சருமத்திற்குள் ஊடுருவிச் சென்று கொலாஜனை அதிகரித்து, இறந்த செல்களை நீக்கி, ரத்த ஓட்டத்தை சீராக்கும். இதனால் சருமம் புத்துயிர் பெற்று பொலிவடையும். சருமம் மட்டுமில்லாமல் உதட்டின் நிறத்தையும் மாற்றி அமைக்கலாம். சிலருக்கு உதடு கருமையாக இருக்கும். அதில் நிறமிகளை செலுத்தினால், லிப்ஸ்டிக் போட்டது போல் உதட்டின் நிறம் மாறும். 

இவை தவிர மருக்களை நீக்கலாம். தலைமுடி வளர மைக்ரோநீடிலிங் செய்யலாம், கெமிக்கல் பீலிங் செய்வதன் மூலம் சருமத்தை வழவழப்பாக்கலாம். PRP (Platelet Rich Plasma) என்பது சருமம் மற்றும் தலைமுடிக்கான சிகிச்சை. 

ஒருவரின் ரத்தத்தில் உள்ள பிளாஸ்மாவினைப் பிரித்து அதனை சருமம் மற்றும் தலையில் முடியில்லாத பகுதியில் செலுத்த வேண்டும். இதனால் சருமத்தில் உள்ள கொலாஜன் அதிகரித்து இளமை தோற்றத்தை கொடுக்கும். தலையில் செலுத்தும் போது முடியில்லாத பகுதியில் முடி வளரும்.