சமீபத்தில் சென்னை மாவட்ட பவர்லிஃப்டிங் அசோசியேஷன் சார்பில் தமிழகத்தில் முதல்முறையாக மாநில அளவிலான பெண்கள் பவர்லிஃப்டிங் மற்றும் டெட்லிஃப்ட் போட்டிகள் நடந்தன.

‘‘எங்க ஜிம்மில் பயிற்சி எடுக்க வருபவர்களுக்கு உடலை பலப்படுத்தவும், உடல் எடையை குறைக்கவும் ஸ்குவாட், டெட்லிஃப்ட் போன்ற பயிற்சிகள் கொடுப்பது வழக்கம். அதில் சிறப்பா பயிற்சி செய்பவர்களை போட்டிக்குத் தயார்படுத்துவோம்.  அப்படியாக மாவட்ட அளவில் நடந்த போட்டிகளில் எங்க ஜிம் பெண்கள் கலந்துக்கிட்டு ஜெயிச்சாங்க. 

இப்ப, முதல்முறையா மாநில அளவிலான போட்டி பெண்களுக்கென்றே தனியாக நடத்தப்பட்டுச்சு. அதில் 29 பதக்கங்களுடன் சாம்பியன் பட்டத்தையும் வென்றிருப்பது ரொம்ப சந்தோஷமா இருக்கு...’’ என உற்சாகமாகப் பேசினார் ஜிம்மின் நிறுவனரும், தலைமைப் பயிற்சியாளருமான மகாதேவன். 

பவர்லிஃப்டிங்கில் பெஞ்ச் பிரஸ், ஸ்குவாட், டெட்லிஃப்ட்னு மூணு பிரிவுகள், பெஞ்ச் பிரஸில் படுத்துக்கொண்டு எடையை தூக்கிக் காட்டணும். அப்புறம், ஸ்குவாட்டில் தோளில் எடையைத் தூக்கியபடி உட்கார்ந்து எழணும். 

டெட்லிஃப்டில் சாதாரணமாக நின்றபடி எடையைத் தூக்கணும். இந்த மூன்றுக்கும் சேர்த்து மதிப்பெண் போட்டு யார் முதலில் வருகிறார்னு பார்ப்பாங்க. அப்புறம், இதில் பவர்லிஃப்டிங்கிற்கு ஒரு பதக்கமும், டெட்லிஃப்ட்டை மட்டும் பார்த்து தனியாக ஒரு பதக்கமும் கொடுப்பாங்க. 

இயல்பான உடல் போயிடுமோ, தசைகள் முறுக்கேறிய மாதிரி மாறிடுமோனு சில பெண்களுக்குக் கவலைகள் இருக்கு. அப்படி எதுவும் ஆகாது. எடையைத் தூக்கும்போது தங்கள் உடல் எடை குறையும். அதேநேரம் உடலும் பலமாகும். பொதுவாக பெண்களுக்கு உடலை பலமாக்கும் பயிற்சி அவசியம். 

குறிப்பாக 40 ப்ளஸ்ஸில் உள்ளவர்களுக்கு. அதனால்தான் ஃபிட்னஸ் பயிற்சியுடன் நாங்க பவர்லிஃப்டிங்கையும் ஊக்கப்படுத்துறோம்...’’ என ஹேமா நம்பிக்கையாகச் சொல்ல, அதனை அத்தனை பெண்களும் பதக்கங்களை உயர்த்திக் காட்டி ஆமோதித்தனர்.  

21 வயசாகும் தீக்ஷா ஜூனியர், சீனியர் என இரண்டிலும் பதக்கங்கள் வென்று வந்துள்ளார். இவரின் அம்மா காமாட்சியும் 95 கிலோ டெட்லிஃப்ட் பிரிவில் வெள்ளி வென்று அசத்தியுள்ளார். 

முதல்ல சென்னை மாவட்ட அளவிலான டெட்லிஃப்ட் போட்டியில் கலந்துக்கிட்டு தங்கப்பதக்கம் ஜெயிச்சேன். இப்ப ஜூனியர் பிரிவில் பவர்லிஃப்டிங், டெட்லிஃப்ட் இரண்டிலும் தங்கப் பதக்கங்களும், சீனியர் பிரிவிலும் வெண்கலப்பதக்கங்களும் வாங்கியிருக்கேன். என் அம்மாவும் டெட்லிஃப்டில் வெள்ளிப் பதக்கம் வென்றிருக்காங்க. ரொம்ப சந்தோஷமா இருக்கு...’’ என்றார். 

‘‘முதல்முறையாக மாநில அளவில் கலந்துக்கிட்டு தங்கம் வென்றிருக்கேன். முன்னாடி வீட்டுல ரொம்பத் திட்டினாங்க. எதுக்கு உனக்கு இதெல்லாம்னு சொன்னாங்க. அப்போ, என் அம்மாதான் சப்போர்ட்டாக இருந்தாங்க. இப்போ வீட்டுல எல்லோரும் பாராட்டுறது சந்தோஷமாக இருக்கு...’’ என தம்ஸ்அப் காட்டி சிரிப்பவரை தொடர்ந்தார் சீனியர் கேர்ள் ஷாலினி. 

இதில் டெட்லிஃப்ட் தொடங்கியே மூன்று வாரங்கள்தான் இருக்கும். இருந்தும் ஜிம் மாஸ்டர்கள் எல்லோரும் நம்பிக்கை விதைச்சாங்க. இப்போ நான் டெட்லிஃப்டில் சீனியர் பிரிவில் வெள்ளிப்பதக்கமும், ஜூனியர் பிரிவில் தங்கப்பதக்கமும் ஜெயிச்சிருக்கேன். இந்தப் பதக்கங்களை எல்லாம் பார்க்கிறப்ப தொடர்ந்து அச்சீவ் பண்ணணும்னு ஆசையாயிருக்கு...’’ என்றார். 

‘‘நான் கடந்த ஜூன் மாசம்தான் இந்த ஜிம்மில் சேர்ந்தேன். பயிற்சி செய்யும்போதே பவர்லிஃப்டிங் பிடிச்சிருந்தது. நானே தன்னார்வமாகப் போய் மாஸ்டர்கிட்ட நானும் வரலாமானு கேட்டேன்.

நான் ஹவுஸ்வொய்ஃப். வீட்டைக் கவனிக்கணும். வீட்டு வேலைகளைச் செய்யணும். எல்லோரும் ரெஸ்ட் எடுங்கனு சொன்னாங்க. மாஸ்டர்தான் நம்பிக்கையாக, ‘இவ்வளவு நாள் கஷ்டப்பட்டீங்க. வாங்க’னு ஊக்கப்படுத்தினார்.

அந்த வலியுடன் மாஸ்டர் பிரிவில் பவர்லிஃப்டிங்கில் தங்கம் ஜெயிச்சேன். இதில் சீனியர் பிரிவில் வெள்ளி வென்றேன். அப்புறம், டெட்லிஃப்டில் மாஸ்டர் பிரிவில் தங்கமும், சீனியர் பிரிவில் வெள்ளியும் ஜெயிச்சேன். மொத்தமாக நான்கு பதக்கங்கள் ஜெயிச்சதும் இருந்த முதுகு வலியெல்லாம் பறந்துபோனது மாதிரி ஆகிடுச்சு...’’ என நெகிழ்ந்தார் அனுஜா.