இளைஞர்களுக்குத் தொழில் திறன் பயிற்சி அளிக்கும், ‘பிரதான் மந்திரி கௌஷல் விகாஸ் யோஜனா’ திட்டத்தில் பெரும் முறைகேடு நடந்திருப்பதாக சமீபத்திய மத்திய தலைமை கணக்கு தணிக்கைக் குழுவின் (சிஏஜி) அறிக்கையில் தெரிய வந்திருப்பது அதிர்ச்சியை ஏற்படுத்தியுள்ளது. 

ஏற்கனவே கடந்த 2023ம் ஆண்டு இதுபோலவே சிஏஜி அறிக்கை, பிரதமரின் ‘ஆயுஷ்மான் பாரத் மருத்துவக் காப்பீடு’ திட்டத்தில் மிகப்பெரிய அளவில் முறைகேடு நடந்ததாகத் தெரிவித்தது. இப்போது தொழில் திறன் பயிற்சி திட்டத்தில் நடந்துள்ள முறைகேடுகளை வெளிச்சத்திற்குக் கொண்டு வந்துள்ளது சிஏஜி. 

ஆனால், இதில் 10 ஆயிரத்து 194 கோடி ரூபாய்தான் விடுவித்தது. இதிலும் 9 ஆயிரத்து 261 கோடி ரூபாயே செலவழிக்கப்பட்டுள்ளது. சான்றிதழ் பெற்றவர்களும் ஒரு கோடி 10 லட்சம் பேர்கள்தான் என்கிறது சிஏஜி அறிக்கை. 

சிஏஜி இந்தத் தணிக்கையை, திறன் மேம்பாடு மற்றும் தொழில்முனைவோர் அமைச்சகம், தேசிய திறன் மேம்பாட்டு கார்ப்பரேஷன் மற்றும் அசாம், பீகார், ஜார்க்கண்ட், கேரளா, மகாராஷ்டிரா, ஒடிசா, ராஜஸ்தான், உத்தரப்பிரதேசம் என எட்டு மாநிலங்கள் ஆகியவற்றில் மேற்கொண்டது. அதில்தான் பல்வேறு முறைகேடுகளைக் கண்டறிந்துள்ளது. 

அத்துடன் பயிற்சியாளர்கள், மதிப்பீட்டாளர்கள், பயிற்சி பெறுபவர்களின் மின்னணு அடையாளங்கள், தொடர்பு விவரங்கள் மற்றும் அவர்களின் வங்கிக் கணக்கு தொடர்பான விவரங்கள் என எதுவும் சரிவர பராமரிக்கப்படவில்லை. 

இந்தத் திட்டத்தின்கீழ் ஐடி, ஆட்டோமோட்டிவ், ஹெல்த்கேர், விவசாயம், எலக்ட்ரானிக்ஸ், சோலார் பேனல் டெக்னீஷியன், டிரோன் ஆபரேட்டர் உள்ளிட்ட சுமார் 40 துறைகளுக்கு இலவசமாகப் பயிற்சி வழங்கப்படுகிறது.

இதில் பயிற்சி பெறும் இளைஞர்களுக்கு 500 ரூபாய் முதல் 8000 ரூபாய் வரை நிதியுதவி கொடுக்கப்படுகிறது. இந்தப் பணம் அவர்களின் வங்கிக் கணக்குஎண் பெறப்பட்டு நேரடியாக அதில் பட்டுவாடா செய்யப்படுகிறது. 

பயிற்சி தரும் நிறுவனங்களுக்கும் செலவுத்தொகையை அரசே வழங்கிவிடுகிறது. இதில்தான் பயிற்சி பெற்றவர்களின் புகைப்படங்கள் என ஒரே நபரின் புகைப்படமே பல பெயர்களில் இருந்துள்ளது. அதேபோல் ஒரே இ-மெயில் முகவரியே பலருக்கும் குறிப்பிடப்பட்டுள்ளது.

அத்துடன் விண்ணப்பதாரர்களின் வங்கிக் கணக்கு எண்கள் போலியாகவும், வங்கிக் கணக்கு விவரங்களே இல்லாது இருந்ததும் சிஏஜி அறிக்கையில் தெரியவந்துள்ளது. அதாவது சில வங்கிக் கணக்குகள் 1111111111... எனவும், 1234567... எனவும் இருந்துள்ளது.

எந்த வங்கிக் கணக்கும் இப்படியான நம்பர்களில் இருப்பதில்லை என்கிறது அந்த அறிக்கை. அதுமட்டுமல்ல, இந்தத் திட்டத்தில் இரண்டு மற்றும் மூன்றாம் கட்டங்களில் நடந்த பயிற்சிகளின் தரவுகளைத் தணிக்கை செய்ததில், மொத்தம் 95,90,801 பேர் பயிற்சி பெற்றுள்ளனர்.

அடுத்ததாக இதற்கான பயிற்சி மையங்கள் நாடு முழுவதும் செயல்படுகின்றன. இதில் பல பயிற்சி மையங்கள் மூடப்பட்ட நிலையில் உள்ளதாகக் குறிப்பிடுகிறது சிஏஜி அறிக்கை. இருந்தும் இந்த மையங்கள் பயிற்சி அளித்ததாக நிதியைப் பெற்றுள்ளன. 

உத்திரப் பிரதேசம், பீகார், ராஜஸ்தான், மகாராஷ்டிரா போன்ற மாநிலங்களில் பல பயனாளிகளுக்கு ஒரே புகைப்படம்பயன்படுத்தப்பட்டுள்ளது.இன்னும் சிஏஜியின் அந்த 108 பக்க அறிக்கையில் பல்வேறு விஷயங்கள் இருக்கின்றன. மொத்தத்தில் ‘பிரதான் மந்திரி கௌஷல் விகாஸ் யோஜனா’ திட்டத்தில் பல்வேறு மோசடிகளும், முறைகேடுகளும் நடந்துள்ளது அதிர்வலைகளை ஏற்படுத்தியுள்ளது.