தெலுங்கு, தமிழ், கன்னடம், மலையாளம் என தென்னிந்திய வெள்ளித்திரை மற்றும் சின்னத்திரையில் கோலோச்சியவர்; கோலோச்சுபவர். படங்கள், சீரியல்கள் என சேர்த்து 200க்கும் மேலான ப்ராஜெக்ட்களில் தற்போது வரை பிசியாக நடித்துக் கொண்டிருக்கும் நடிகை. 

தமிழில் பாக்கியராஜ் இயக்கத்தில் அவர் நடிப்பில் 1994ம் ஆண்டு வெளியான ‘வீட்ல விசேஷங்க’ படத்தின் கதாநாயகியாக அறிமுகமானவர். தொடர்ந்து ‘பெரிய மருது’, ‘ஜெயம்’, ‘சிலம்பாட்டம்’, ‘தோனி’, ‘தாரை தப்பட்டை’ உள்ளிட்ட இருபதுக்கும் மேலான படங்களில் தமிழில் நடித்திருக்கிறார். 

ஆம். துருக்கியில் நடைபெற்ற ஆசிய ஓபன் மற்றும் மாஸ்டர்ஸ் பவர் லிஃப்டிங் சாம்பியன்ஷிப் 2025ல் பங்கேற்று இந்தியாவுக்காக நான்கு பதக்கங்களை வென்று திரும்பியிருக்கிறார். 

தொடக்கத்தில் உடல் ஆரோக்கியத்துக்காகத்தான் ஜிம்முக்கு சென்று உடற்பயிற்சி செய்ய ஆரம்பித்தேன். அதுவே கொஞ்சம் கொஞ்சமாக வெயிட் லிஃப்டிங்கில் ஆர்வத்தை ஏற்படுத்தியது.

‘வயசான காலத்துல இப்படி எல்லாம் கிளாமர் உடை தேவையா’ என என் காதுபட பேசினார்கள். என் கண்ணில் படும் அளவு எழுதித் தள்ளினார்கள்.எங்கே என்ன உடை உடுத்த வேண்டும்... எங்கே என்ன உடை உடுத்தினால் வசதியாக இருக்கும்... எனப் புரியாதவர்களுக்கு நாம வகுப்பு எடுக்க முடியாது. 

அதனால் எந்த நெகட்டிவ் விமர்சனங்களையும் நான் காதில் வாங்கவில்லை. அதே சமயம் என் முயற்சியையும் கைவிடவில்லை. ஹைதராபாத்தில் நடந்த வெயிட் லிஃப்டிங் போட்டிகளை பார்த்தபோதுதான் இதற்கு வயது ஒரு தடையில்லை என்பதே எனக்குப் புரிந்தது...’’ என்னும் பிரகதி, மாவட்ட, மாநில அளவில் தொடர் வெற்றிகளைக் குவிக்கத் துவங்கியிருக்கிறார்.