ஆடை வடிவமைப்பாளர் பூர்ணிமா ராமசாமிக்கு எந்த அறிமுகமும் தேவையில்லை. முதல் படத்திலேயே தேசிய விருது பெற்று அனைவரின் கவனத்தையும் ஈர்த்தவர்.நாயுடு ஹால் வீட்டுப்பெண் என்ற அடையாளம் அவருக்கு இருந்தாலும்கூட சினிமா ஆடை வடிவமைப்பே அவரைத் தனித்துவமாக்கி இருக்கிறது. 

‘தீரன் அதிகாரம் ஒன்று’, ‘36 வயதினிலே’, ‘ராட்சசி’, ‘இறுதிச்சுற்று’, ‘நேர்கொண்ட பார்வை’ முதல் ‘டியூட்’ வரை பல வெற்றிப் படங்களுக்கு ஆடை வடிவமைப்பு செய்தவர். இதோ, இப்போது சிவகார்த்திகேயன், ரவி மோகன், அதர்வா நடிப்பில் உருவாகியுள்ள, ‘பராசக்தி’ படத்தின் ஆடை வடிவமைப்பில் தனி முத்திரை பதித்திருக்கிறார். 

அவங்ககிட்ட நேரடியாகப் போய் அப்போ என்ன மாதிரியான ஆடைகள் உடுத்தினீங்க, எந்த மாதிரியான நகைகள் போட்டீங்க, அப்போதைய ட்ரெண்ட் என்னவாக இருந்ததுனு பல தகவல்களைக் கேட்டு சேகரிச்சேன். அது நல்ல அனுபவமாக இருந்தது. அந்தக் காஸ்டியூமை அப்படியே படத்தில் கொடுத்திருக்கோம். இது மக்கள்கிட்ட நல்லா ரீச்சாகும்னு நம்பிக்கை இருக்கு. 

அவங்க எல்லோருமே டைரக்டரின் கதைக்கு என்ன தேவைப்படுதோ அதைச் சிறப்பாக செய்யணும்னு நினைக்கிறவங்க. அதனால், எல்லோருமே ரொம்ப ஒத்துழைப்பு தந்தாங்க. காஸ்டியூம் டிரஸ் போட்டு லுக் டெஸ்ட் ஆபீஸ்ல ஓகே ஆனபிறகுதான் ஷூட்டிங்கே போனோம். 

சுதா கொங்கராவும் ரொம்ப கிளியராக இருப்பாங்க. நானும் என்னுடைய கருத்துகளைச் சொல்லி இப்படி இருந்தால் நல்லாயிருக்கும்னு சொல்வேன். அவங்களும் கருத்துகளை முன்வைப்பாங்க. ஏற்கனவே ரெண்டு பேரும் சேர்ந்து படங்கள் பண்ணியிருக்கிறதால் ஒரு புரிதல் இருந்தது. 

அவர் ரொம்ப தைரியமானவர். பையன், பொண்ணுனு வேறுபாடே இல்லாமல் எங்களை வளர்த்தார். அவரின் டைனமிக் விஷன், கஸ்டமருக்கு பெஸ்ட்டாக கொடுக்கணும் என்கிற எண்ணம், நம்பிக்கைனு பல விஷயங்களை அவரிடம் நான் பார்த்திருக்கேன். 

கடையில் என்ன குவாலிட்டியில் பொருட்கள் தயாரிக்கணும், பொருட்களை எங்க வாங்கணும், எந்தத் துணியில் டிசைன் பண்ணினால் துணி அழகா இருக்கும், எப்படி வேலைகளை ஹேண்டில் பண்ணணும்னு பல விஷயங்களைப் பள்ளி நாட்களிலேயே சொல்லிக் கொடுத்திட்டார். 

பத்தாம் வகுப்பு படிக்கும்போதே பள்ளி முடிஞ்சதும் நேராக கடைக்குத்தான் போவேன். அதெல்லாம் எனக்கு இப்ப பல இடங்களில் உதவியாக இருக்குது. முதல் படம் பண்ணும்போதே எனக்கு அது முதல் படம் மாதிரி இல்ல. எளிதாக பண்ணலாம்னுதான் தோணுச்சு. அதுக்கு அப்பா கத்துக்கொடுத்த அனுபவம் முக்கியமானது. இதன்பிறகு நான் கதைக்கேற்ப காஸ்டியூம் பண்ண ஆரம்பிச்சிட்டேன். 

இப்ப கிராமத்துக் கதைனா அதற்கேற்ப காஸ்டியூம் செய்வேன். கோர்ட் சம்பந்தமான படம்னா நேரடியாக கோர்ட்டுக்குப் போய் அப்சர்வ் பண்ணி ஆடைகளை வடிவமைப்பேன். ‘வா வாத்தியார்’ படத்திற்காக கார்த்தி சாருக்கு விதவிதமாக ஆடைகள் வடிவமைச்சேன். அது சிறப்பாக வந்திருக்கு. இப்படி எதையும் கொஞ்சம் ஆய்வு பண்ணி உழைச்சால் சிறப்பாகவே அமையும்.